പാറശാല: കെഎസ്ആര്‍ടിസി ബസില്‍ കണ്ടക്ടര്‍ക്ക് നേരെ മദ്യലഹരിയില്‍ കയ്യേറ്റ ശ്രമം നടത്തിയ യാത്രക്കാരൻ പിടിയിൽ. സംഭവത്തില്‍ പൂവാര്‍ സ്വദേശിയും ചായ്ക്കോട്ടുകോണത്ത് താമസിക്കുന്ന സന്തോഷ് കുമാറിനെ പാറശാല പൊലീസ് കസ്റ്റഡിയിലെടുത്തു.
Read Also : മദ്യലഹരിയില്‍ വാഹനമോടിച്ച് അപകടമുണ്ടാക്കി, ആം ആദ്മി സംസ്ഥാന പ്രസിഡന്റിനെതിരെ പൊലീസ് കേസ്
വ്യാഴാഴ്ച രാത്രി 10.30 നാണ് സംഭവം. നെയ്യാറ്റിന്‍കരയില്‍ നിന്ന് അമരവിള ഭാഗത്തേക്ക് ടിക്കറ്റെടുത്ത സന്തോഷ് സ്റ്റോപ്പ് എത്തിയിട്ടും ഇറങ്ങാത്തതിനാല്‍ കണ്ടക്ടര്‍ സ്ഥലമെത്തി ഇറങ്ങുന്നില്ലേയെന്ന് ചോദിച്ചു. ഇതില്‍ പ്രകോപിതനയി കണ്ടക്ടറെ ദേഹോപദ്രവം ഏല്‍പ്പിക്കുവാന്‍ ശ്രമിക്കുകയും ഡ്യൂട്ടി തടസപ്പെടുത്തിയെന്നുമാണ് പരാതിയില്‍ പറയുന്നത്.
തുടര്‍ന്ന്, കണ്ടക്ടറുടെ പരാതിയില്‍ പ്രതിയെ രാത്രിയോടെ പൊലീസ് കസ്റ്റഡിയിലെടുക്കുകയായിരുന്നു.
Post Your Comments