കയ്യിലുള്ള 2000 രൂപ നോട്ടുകൾ ഉടൻ മാറ്റി വാങ്ങിക്കോളൂ.. സമയപരിധി ഇന്ന് അവസാനിക്കും

രാജ്യത്ത് വിനിമയത്തിൽ നിന്നും പിൻവലിച്ച 2000 രൂപ നോട്ടുകൾ ബാങ്കുകളിൽ തിരികെ ഏൽപ്പിക്കാനുള്ള സമയപരിധി ഇന്ന് അവസാനിക്കും. പൊതുജനങ്ങൾക്ക് ഇന്ന് കൂടി ബാങ്കുകളിൽ 2000 രൂപ നോട്ടുകൾ നിക്ഷേപിക്കുകയോ, മാറ്റി വാങ്ങുകയോ ചെയ്യാവുന്നതാണ്. സെപ്റ്റംബർ ഒന്ന് വരെയുള്ള റിസർവ് ബാങ്കിന്റെ കണക്കുകൾ അനുസരിച്ച്, 2000 രൂപ നോട്ടുകളിൽ 93 ശതമാനവും തിരിച്ചെത്തിയിട്ടുണ്ട്. അതിനാൽ, 2000 രൂപ നോട്ടുകൾ ഇനിയും കയ്യിൽ സൂക്ഷിച്ചിട്ടുണ്ടെങ്കിൽ അവ ബാങ്കുകളിൽ തിരികെ ഏൽപ്പിക്കാവുന്നതാണ്.

2000 രൂപ നോട്ടുകൾ മാറ്റി വാങ്ങാനുള്ള സമയപരിധി ദീർഘിപ്പിച്ചേക്കാമെന്ന തരത്തിലുള്ള വാർത്തകൾ പ്രചരിക്കുന്നുണ്ടെങ്കിലും, റിസർവ് ബാങ്ക് ഇത് സംബന്ധിച്ച ഔദ്യോഗിക പ്രഖ്യാപനങ്ങൾ നടത്തിയിട്ടില്ല. പ്രവാസികളെയും മറ്റും പരിഗണിച്ചാണ് തീയതി നീട്ടാൻ സാധ്യത. ഈ വർഷം മെയ് 19-നാണ് വിനിമയത്തിൽ നിന്നും 2000 രൂപ നോട്ടുകൾ പിൻവലിച്ചത്. തുടർന്ന് മെയ് 23 മുതൽ കറൻസി ബാങ്കുകളിൽ നിന്ന് മാറ്റി വാങ്ങാനുള്ള അവസരം ഒരുക്കിയിരുന്നു.

Also Read: ജ്യോതിഷാലയത്തിലെത്തിയ യുവതിയെ വിവാഹ വാഗ്ദാനം നൽകി പീഡിപ്പിച്ചു, സ്വർണാഭരണവും പണവും തട്ടിയെടുത്തു: അറസ്റ്റ് 

നോട്ട് നിക്ഷേപിക്കുന്നതിനും, മാറ്റിയെടുക്കുന്നിനും എല്ലാ ബാങ്കുകളും അവരുടെ ശാഖകൾ വഴി പൊതുജനങ്ങൾക്ക് സൗകര്യം ഒരുക്കിയിട്ടുണ്ട്. ഒരേസമയം 20,000 രൂപ മൂല്യമുള്ള 2000 രൂപ നോട്ടുകൾ മാറ്റിയെടുക്കാൻ സാധിക്കും. 2016-ലെ നോട്ട് നിരോധന കാലയളവിലാണ് റിസർവ് ബാങ്ക് 2000 രൂപ നോട്ടുകൾ പുറത്തിറക്കിയത്. തുടർന്ന് 2018-19-ൽ ഇവയുടെ അച്ചടി പൂർണ്ണമായും നിർത്തിവച്ചിരുന്നു.