കണ്ണൂർ: മാഹിയിൽ നിന്ന് അനധികൃതമായി കടത്തുകയായിരുന്ന 4000 ലിറ്റർ ഡീസൽ പിടികൂടി. തലശ്ശേരി ജി.എസ്.ടി എൻഫോഴ്സ്മെന്റ് ഓഫീസർ സൽജിത്തിന്റെ നേതൃത്വത്തിൽ ആണ് പിടികൂടിയത്. പിടികൂടിയ ഡീസലിന് 4,66,010 രൂപ പിഴയീടാക്കി.
കോടിയേരി കാൻസർ സെന്ററിന് സമീപത്തുവെച്ചാണ് നികുതി വെട്ടിച്ച് ലോറിയിൽ കടത്തുകയായിരുന്ന ഡീസൽ പിടികൂടിയത്. തുടർന്ന്, നികുതിയും പിഴയും ഈടാക്കിയ ശേഷം വിട്ടയച്ചു. എടക്കാട് ഭാഗത്തേക്ക് കടത്തുകയായിരുന്നു ഡീസൽ.
ജി.എസ്.ടി സ്ക്വാഡിൽ ഇൻസ്പെക്ടർമാരായ ശ്രീജേഷ്, മനീഷ്, അനിൽകുമാർ, ഡ്രൈവർ മഹേഷ് കുമാർ എന്നിവരുമുണ്ടായിരുന്നു. നികുതിവെട്ടിച്ച് ഇന്ധനക്കടത്ത് നടത്തുന്നതിനെതിരെ കർശന നടപടിയുണ്ടാവുമെന്ന് എൻഫോഴ്സ്മെന്റ് ഓഫീസർ സൽജിത്ത് പറഞ്ഞു.
Post Your Comments