കട്ടപ്പന:15 ലിറ്റർ വിദേശമദ്യവുമായി യുവാവ് അറസ്റ്റിൽ. ഉപ്പുതറ കല്ലൂർ വീട്ടിൽ നിഖിൽ മോഹനെയാണ് അറസ്റ്റ് ചെയ്തത്. ഉപ്പുതറ സി.ഐ ഇ.ബാബു ആണ് അറസ്റ്റ് ചെയ്തത്.
Read Also : സിക്കിം പ്രളയം: കാണാതായ 105 പേർക്കായി തിരച്ചില് തുടരുന്നു, 390 വിനോദസഞ്ചാരികളെ രക്ഷപെടുത്തി ത്രിശക്തി സേന
തിങ്കളാഴ്ച വൈകീട്ട് ഏഴോടെയാണ് സംഭവം. ഉപ്പുതറ സഹകരണ ബാങ്കിന് എതിർവശത്ത് ആളൊഴിഞ്ഞ ഭാഗത്ത് ഓട്ടോ നിർത്തിയിട്ട് മദ്യവിൽപന നടത്തുന്നതിനിടയിലാണ് പൊലീസ് പിടികൂടിയത്. ബിവറേജിൽ നിന്ന് മദ്യം വാങ്ങി വിൽപന നടത്തിവരുന്നതായി നിരവധി പരാതി ലഭിച്ചിരുന്നു.
പൊലീസ് കസ്റ്റഡിയിലെടുത്ത ഓട്ടോറിക്ഷ എക്സൈസ് ഡെപ്യൂട്ടി കമീഷണർക്ക് കൈമാറും. എസ്.ഐ സിയാദ് മോൻ, സി.പി.ഒ മാരായ ബിജു അലക്സ്, അൽജിൻ ടി. രാജ് എന്നിവർ ചേർന്നാണ് പ്രതിയെയും തൊണ്ടിമുതലും കസ്റ്റഡിയിലെടുത്തത്. പ്രതിയെ കോടതിയിൽ ഹാജരാക്കിയ ശേഷം റിമാൻഡ് ചെയ്തു.
Post Your Comments