പലരേയും അലട്ടുന്ന ആരോഗ്യ പ്രശ്‌നങ്ങളില്‍ ഒന്നാണ് ഉപ്പൂറ്റി വിണ്ടു കീറുന്നത്. ചിലരുടെ ഉപ്പൂറ്റികള്‍ വിണ്ട് കീറി നടക്കാന്‍ പോലും പറ്റാത്ത വിധത്തിലായിരിക്കും. പല കാരണങ്ങൾ കൊണ്ടാണ് ഉപ്പൂറ്റി വിണ്ടു കീറുന്നത്. എന്നാൽ ഉപ്പൂറ്റി വിണ്ടു കീറുന്നത് തടയാൻ വീട്ടിൽ ചെയ്യാവുന്ന ചില മാർഗങ്ങളെ കുറിച്ചാണ് താഴെ പറയുന്നത്.
ഗ്ലിസറിനും റോസ് വാട്ടറും കൊണ്ട് ഉപ്പൂറ്റിയിലെ വിള്ളല്‍ നമുക്ക് ഇല്ലാതെയാക്കാന്‍ സാധിക്കും. അതിനായി ഗ്ലിസറിനും റോസ് വാട്ടറും അല്‍പം നാരങ്ങ നീരും കൂട്ടി മിക്‌സ് ചെയ്യുക. ഇത് കാലില്‍ വിള്ളലുള്ള ഭാഗത്ത് നല്ലതു പോലെ പുരട്ടി മസ്സാജ് ചെയ്യുക.
മറ്റൊന്ന് ഒരു പാത്രത്തിൽ അല്‍പ്പം കാപ്പിപ്പൊടി ഇടുക. അതിലേക്ക് അല്‍പ്പം ചൂടുവെള്ളം ചേര്‍ക്കുക. ഇത് രണ്ടും നല്ലതു പോലെ മിക്‌സ് ചെയ്യുക. പേസ്റ്റ് രൂപത്തില്‍ ആക്കിയെടുക്കണം. അതിന് ശേഷം ഇതിലേക്ക് അല്‍പ്പം വെളിച്ചെണ്ണ കൂടി മിക്‌സ് ചെയ്യുക. കുറച്ച് ബേബി ഷാംപുവും ചേര്‍ക്കുക. ഇവയെല്ലാം മിക്‌സ് ചെയ്ത ശേഷം നല്ലതു പോലെ പേസ്റ്റ് പരുവത്തില്‍ ആക്കിയെടുക്കുക. ശേഷം കാലിൽ പുരട്ടുക. 15 മിനിറ്റ് കഴിഞ്ഞ് കഴുകി കളയുക.
ആല്‍മണ്ട് ഓയില്‍, ഒലീവ് ഓയില്‍ എന്നിവ മിക്‌സ് ചെയ്ത് വിണ്ടുകീറിയ ഭാഗത്ത് തേച്ച് പിടിപ്പിക്കുക. ശേഷം നല്ലതു പോലെ മസ്സാജ് ചെയ്യുക. എന്നും കിടക്കുന്നതിനു മുന്‍പ് ഇത് ചെയ്യണം.
ആര്യവേപ്പിന്റെ ഇല കൊണ്ട് പാദത്തിലെ വിള്ളല്‍ ഇല്ലാതാക്കാം. ആര്യവേപ്പിന്റെ ഇല അരച്ച് അത് കാലിലെ ഉപ്പൂറ്റിയില്‍ തേച്ച് പിടിപ്പിക്കാം. ഇത് പല വിധത്തില്‍ കാലിലെ വിള്ളല്‍ ഇല്ലാതാക്കാന്‍ സഹായിക്കുന്നു.
നാരങ്ങ നീര് കൊണ്ട് നമുക്ക് ഉപ്പൂറ്റിയിലെ വിള്ളല്‍ ഇല്ലാതാക്കാം. നാരങ്ങ നീര് നല്ലതു പോലെ പാദത്തില്‍ തേച്ച് പിടിപ്പിച്ച ശേഷം നല്ലതു പോലെ മസ്സാജ് ചെയ്യുക. ആഴ്ചയിൽ മൂന്നോ നാലോ തവണ ഇത് ചെയ്യാം.
Post Your Comments