തിരുവനന്തപുരം: സിപിഎമ്മിന്റെ നേതൃത്വത്തിൽ കോഴിക്കോട് നടന്ന പലസ്തീൻ ഐക്യദാർഢ്യ സമ്മേളനത്തിൽ മുസ്ലിം നേതാക്കൾ പങ്കെടുത്തത് സംബന്ധിച്ച് ബിജെപി സംസ്ഥാന അധ്യക്ഷൻ കെ സുരേന്ദ്രൻ നടത്തിയത് വംശീയാധിക്ഷേപമാണെന്ന് ആരോപണവുമായി എസ്ഡിപിഐ. സുരേന്ദ്രന്റെ പരാമർശത്തിനെതിരെ സർക്കാർ നിയമനടപടി സ്വീകരിക്കണമെന്ന് എസ്ഡിപിഐ സംസ്ഥാന പ്രസിഡൻറ് മൂവാറ്റുപുഴ അഷ്റഫ് മൗലവി പറഞ്ഞു.
‘മുസ്ലിം മതപണ്ഡിതന്മാരെയും ഇസ്ലാമിക ചിഹ്നങ്ങളെയും ആക്ഷേപിച്ച കെ സുരേന്ദ്രനെതിരെ നിയമനടപടി സ്വീകരിക്കാത്ത ഇടതു സർക്കാർ നിലപാട് ആശ്ചര്യകരമാണ്. സംഘപരിവാർ വളർച്ചക്ക് സിപിഎം വഴിയൊരുക്കി കൊടുക്കുകയാണ്. വിഷലിപ്തവും മതവികാരം വ്രണപ്പെടുത്തുന്നതുമായ പ്രസ്താവന കെ സുരേന്ദ്രൻ ആദ്യമായല്ല നടത്തുന്നത്. പൗരത്വ സമരം ശക്തമായി നിന്ന ഘട്ടത്തിൽ സ്തൂപങ്ങളും സ്മാരകങ്ങളും കെട്ടി തീവ്രവാദികള്‍ അഴിഞ്ഞാടുകയാണെന്ന് കെ സുരേന്ദ്രന്റെ പറഞ്ഞിരുന്നു. പിഎ മുഹമ്മദ് റിയാസിനെ മന്ത്രിയാക്കിയത് മുസ്ലിം തീവ്രവാദികളുടെ വോട്ട് നേടാനാണെന്ന പ്രസ്താവനയും അദ്ദേഹം നടത്തി,’ അഷ്റഫ് മൗലവി വ്യക്തമാക്കി.
ഭാര്യമാർ 3, ഹോട്ട് ആകാൻ മൂവർക്കും പ്ലാസ്റ്റിക് സർജറി; വൈറലായി അമേരിക്കൻ യുവാവ് ആൻഡ്രൂസ് – വീഡിയോ
കെ സുരേന്ദ്രനും സംഘപരിവാർ നേതാക്കൾക്കും മുസ്ലിം വിഭാഗത്തിനെതിരെ എത്ര വിഷലിപ്ത പരാമർശങ്ങളും നടത്താൻ അനുവദിച്ചു നൽകുന്നത് മതനിരപേക്ഷ കേരളത്തിന് ഗുണകരമല്ലെന്നും അഷ്റഫ് മൗലവി പറഞ്ഞു. സമൂഹത്തിൽ അസഹിഷ്ണുത വളർത്തി രാഷ്ട്രീയ വിജയമാണ് ലക്ഷ്യമെങ്കിൽ അത് കേരളീയ പൊതുസമൂഹം അംഗീകരിക്കില്ലെന്നും വർഗീയതയും വംശീയതയും കൈമുതലാക്കി കേരളത്തെ കലാപകലിഷിതമാക്കാനുള്ള സംഘപരിവാർ ശ്രമത്തെ ബഹുസ്വര സമൂഹം തടയുമെന്നും അഷ്റഫ് മൗലവി കൂട്ടിച്ചേർത്തു.
Post Your Comments