കെ.​എ​സ്.​ആ​ർ.​ടി.​സി ബ​സും കാ​റും കൂ​ട്ടി​യി​ടി​ച്ച്​ അപകടം: നാലുപേർക്ക് പരിക്ക്

കാ​ഞ്ഞ​ങ്ങാ​ട്: മാ​വു​ങ്കാ​ലി​ൽ കെ.​എ​സ്.​ആ​ർ.​ടി.​സി ബ​സും കാ​റും കൂ​ട്ടി​യി​ടി​ച്ചുണ്ടായ അപകടത്തിൽ​ നാ​ലു​പേ​ർ​ക്ക് പ​രി​ക്കേ​റ്റു. കോ​ഴി​ക്കോ​ട് സ്വ​ദേ​ശി​യും കാ​ഞ്ഞ​ങ്ങാ​ട് ഡി​പ്പോ​യി​ലെ ബ​സ് ഡ്രൈ​വറുമായ പി. ​പ്ര​വീ​ൺ(48) ഗു​രു​ത​ര​നി​ല​യി​ൽ അ​ബോ​ധാ​വ​സ്ഥ​യി​ലാ​ണ്.

ജി​ല്ല ആ​ശു​പ​ത്രി​യി​ലാ​യി​രു​ന്ന പ്ര​വീ​ണി​ന് പ്രാ​ഥ​മി​ക ചി​കി​ത്സ​ ന​ൽ​കി​യി​ട്ടും ബോ​ധം തി​രി​ച്ചു​കി​ട്ടാ​ത്ത​തി​നെ തു​ട​ർ​ന്ന്, ക​ണ്ണൂ​രി​ലെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ക​ഴി​ഞ്ഞ​ദി​വ​സ​മാ​ണ് കാ​ഞ്ഞ​ങ്ങാ​ട് ഡി​പ്പോ​യി​ൽ ജോ​ലി​ക്കെ​ത്തി​യ​ത്.

Read Also : റോ​ഡ​രി​കി​ൽ നി​ർ​ത്തി ത​ടി ​ക​യ​റ്റവെ ലോ​റി​യി​ൽ ബൈ​ക്കി​ടി​ച്ചു: യുവാവിന് ​ഗുരുതര പരിക്ക്

കാ​ർ ഡ്രൈ​വ​ർ വെ​ള്ളി​ക്കോ​ത്ത് സ്വ​ദേ​ശി ബി​ജി (30), മോ​നാ​ച്ച സ്വ​ദേ​ശി ര​തി (46), അ​മ്പ​ല​ത്ത​റ​യി​ലെ കാ​ർ​ത്യാ​യ​നി (65) എ​ന്നി​വ​രെ ജി​ല്ല ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ഇ​വ​രു​ടെ പ​രി​ക്ക് ഗു​രു​ത​ര​മ​ല്ല.

ഞാ​യ​റാ​ഴ്ച ഉ​ച്ച 12ഓ​ടെ​യാ​യി​രു​ന്നു അ​പ​ക​ടം. കാ​ഞ്ഞ​ങ്ങാ​ടു​നി​ന്ന് കാ​സ​ർ​​ഗോഡേ​ക്ക് പോ​വു​ക​യാ​യി​രു​ന്ന കെ.​എ​സ്.​ആ​ർ.​ടി.​സി ബ​സും എ​തി​രെ​വ​ന്ന കാ​റും കൂ​ട്ടി​യി​ടി​ക്കു​ക​യാ​യി​രു​ന്നു. മാ​വു​ങ്കാ​ൽ ടൗ​ണി​ന് സ​മീ​പം കാ​ട്ടു​കു​ള​ങ്ങ​ര ഭാ​ഗ​ത്താ​ണ് അ​പ​ക​ടം. കാ​ർ ഡ്രൈ​വ​റെ മ​ണ്ണു​മാ​ന്തി ഉ​പ​യോ​ഗി​ച്ച് കാ​ർ വെ​ട്ടി​പ്പൊ​ളി​ച്ചാ​ണ് പു​റ​ത്തെ​ടു​ത്ത​ത്. നി​ർ​മാ​ണ​പ്ര​വൃ​ത്തി ന​ട​ക്കു​ന്ന ദേ​ശീ​യ​പാ​ത​യി​ലെ സ​മാ​ന്ത​ര​റോ​ഡി​ലാ​ണ് അ​പ​ക​ടം. നാ​ട്ടു​കാ​ർ ആണ് ര​ക്ഷാ​പ്ര​വ​ർ​ത്ത​നം ന​ട​ത്തിയത്.