ക​ത്തികാ​ണി​ച്ച് ഭീ​ഷ​ണി​പ്പെ​ടു​ത്തി മ​ദ്യം വാ​ങ്ങി​യ​ശേ​ഷം ബാ​റി​നു​ള്ളി​ൽ അ​ക്ര​മം: മൂന്ന് യുവാക്കൾ അറസ്റ്റിൽ

ആ​ല​പ്പു​ഴ: ക​ത്തികാ​ണി​ച്ച് ഭീ​ഷ​ണി​പ്പെ​ടു​ത്തി മ​ദ്യം വാ​ങ്ങി​യ​ശേ​ഷം ബാ​റി​നു​ള്ളി​ൽ അ​ക്ര​മം ന​ട​ത്തി​യ മൂ​ന്നു യു​വാ​ക്ക​ൾ പൊലീസ് പി​ടി​യി​ൽ. ചേ​ർ​ത്ത​ല മു​നി​സി​പ്പ​ൽ എ​ട്ടാം വാ​ർ​ഡ് തെ​ക്കേ ചി​റ്റേ​ഴ​ത്ത് ബെ​ല്ല് എ​ന്നുവി​ളി​ക്കു​ന്ന സൂ​ര്യ(31), തെ​ക്കേ ചി​റ്റേ​ഴ​ത്ത് ദീ​പേ​ഷ്(21), നി​ക​ർത്തി​ൽ അ​ഭി​ന​വ്(19) എ​ന്നി​വ​രാ​ണ് പി​ടി​യി​ലാ​യ​ത്.

Read Also : ബാലികയെ അശ്ലീല ദൃശ്യങ്ങൾ കാണിക്കുകയും ലൈംഗിക അതിക്രമം നടത്തുകയും ചെയ്തു: പ്രതിക്ക് 6 വർഷം കഠിനതടവും പിഴയും

20-ന് ​വൈ​കി​ട്ട് അ​ഞ്ചി​ന് ചേ​ർ​ത്ത​ല ന​ഗ​ര​ത്തി​ലു​ള്ള ഒ​രു ബാ​റി​ൽ ​ആയി​രു​ന്നു സം​ഭ​വം. മ​ദ്യ​പി​ക്കു​ന്ന​തി​നാ​യി ബാ​റി​ൽ എ​ത്തി​യ യു​വാ​ക്ക​ൾ ബാ​റി​നു​ള്ളി​ൽ ക​ട​ന്ന് ക​ത്തി​കാ​ട്ടി ഭീ​ഷ​ണി​പ്പെ​ടു​ത്തു​ക​യും ബി​യ​ർ വാ​ങ്ങി കു​ടി​ക്കു​ക​യും ചെ​യ്ത ശേ​ഷം പ​ണം ആ​വ​ശ്യ​പ്പെ​ട്ട് സ്റ്റാ​ഫി​നെ അ​സ​ഭ്യം പ​റ​ഞ്ഞു. മാത്രമല്ല, സോ​ഡാ കു​പ്പി​ക​ളും മ​റ്റും പൊ​ട്ടി​ച്ച് ഭീ​ക​രാ​ന്ത​രീ​ക്ഷം സൃ​ഷ്ടി​ക്കു​ക​യും തു​ട​ർ​ന്ന്, ബാ​റി​ലുണ്ടാ​യി​രു​ന്ന ടി​വി അ​ടി​ച്ചു പൊ​ട്ടി​ക്കു​ക​യും ചെ​യ്ത ശേ​ഷം സ്ഥ​ലം വി​ട്ടു. പോ​കു​ന്ന വ​ഴി ശാ​വ​ശേ​രി ഭാ​ഗ​ത്തു​ള്ള ഒ​രു വീ​ട്ടി​ൽ അ​തി​ക്ര​മി​ച്ചു ക​യ​റു​ക​യും വീ​ട്ടു​കാ​രി​യേ​യും അ​വ​രു​ടെ മ​ക​ളെ​യും ഭീ​ഷ​ണി​പ്പെ​ടു​ത്തു​ക​യും ദേ​ഹോ​പ​ദ്ര​വം ഏ​ൽ​പ്പി​ക്കു​ക​യും വീ​ട് അ​ടി​ച്ചു​പൊ​ളി​ക്കു​ക​യും ചെ​യ്തു.

സം​ഭ​വം അ​റി​ഞ്ഞ് സ്ഥ​ല​ത്തെ​ത്തി​യ പൊ​ലീ​സ് മൂ​ന്നു പ്ര​തി​ക​ളെ​യും പി​ടി​കൂ​ടു​ക​യായിരുന്നു. ചേ​ർ​ത്ത​ല ഇ​ൻ​സ്പെ​ക്ട​ർ എ​സ്എ​ച്ച്ഒ വി​നോ​ദ് കു​മാ​റി​ന്‍റെ നേ​തൃ​ത്വ​ത്തി​ൽ എ​സ്ഐമാ​രാ​യ അ​നി​ൽ​കു​മാ​ർ കെപി, ടി. ​പ്ര​സാ​ദ്, സി​പി​ഒ ലി​ജോ എ​ന്നി​വ​ർ ചേ​ർ​ന്ന് മ​ണി​ക്കൂ​റു​ക​ൾ​ക്കും ശാ​വ​ശേ​രി ഭാ​ഗ​ത്തു നി​ന്നാ​ണ് പ്ര​തി​ക​ളെ പി​ടി​കൂ​ടി​യ​ത്. കോ​ട​തി​യി​ൽ ഹാ​ജ​രാ​ക്കി​യ പ്ര​തി​ക​ളെ റി​മാ​ൻഡ് ചെ​യ്തു.