അഹമ്മദാബാദ് : വൈബ്രന്റ് ഗുജറാത്തില്‍ പങ്കെടുക്കാന്‍ യു.എ.ഇ പ്രസിഡന്റ് ഷെയ്ഖ് മുഹമ്മദ് ബിന്‍ സായിദ് അല്‍ നഹ്യാന്‍ ഇന്ത്യയിലെത്തി. പ്രധാനമന്ത്രി നരേന്ദ്ര മോദിയും, മുഖ്യമന്ത്രി ഭൂപേന്ദ്ര പട്ടേലും യുഎഇ പ്രസിഡന്റിനെ സ്വീകരിക്കാന്‍ വിമാനത്താവളത്തിലെത്തിയിരുന്നു. ഇന്ത്യയുടെയും യുഎഇയുടെയും പതാകകളുമായി ജയ് ശ്രീറാം, ഭാരത് മാതാ കീ ജയ് മുഴക്കിയാണ് ഗുജറാത്തിലെ ജനങ്ങള്‍ വഴിയോരങ്ങളില്‍ കാത്തു നിന്നത്.
Read Also: വിസ മെഡിക്കല്‍: ഒമാനില്‍ പുതിയ മാര്‍ഗനിര്‍ദ്ദേശങ്ങള്‍ നിലവില്‍ വന്നു
യുഎഇ പ്രസിഡന്റിനൊപ്പം നരേന്ദ്ര മോദി എയര്‍പോര്‍ട്ട് തിരംഗ സര്‍ക്കിള്‍ മുതല്‍ ഇന്ദിര ബ്രിഡ്ജ് സര്‍ക്കിള്‍ വരെ റോഡ് ഷോ നടത്തും. റോഡ് ഷോ റൂട്ടില്‍ വിവിധ സ്വീകരണ കേന്ദ്രങ്ങള്‍ ഒരുക്കിയിട്ടുണ്ട്. അസമിന്റെ സാംസ്‌കാരിക നൃത്തമായ ബിഹു ഒരു സ്വാഗത സ്ഥലത്ത് അവതരിപ്പിക്കും. മറ്റൊരു സ്വീകരണ കേന്ദ്രത്തില്‍ ഗുജറാത്തിന്റെ പരമ്പരാഗത ഭവായ് വസ്ത്രത്തിന്റെ ദൃശ്യവും കാണാം.
പ്രധാനമന്ത്രി നരേന്ദ്ര മോദിയുടെയും യുഎഇ പ്രസിഡന്റിന്റെയും റോഡ് ഷോ എയര്‍പോര്‍ട്ട് സര്‍ക്കിള്‍ കേന്ദ്ര ആഭ്യന്തര സഹമന്ത്രി പരിശോധിച്ചു. ആയിരക്കണക്കിന് കുട്ടികളും അധ്യാപകരും പ്രധാനമന്ത്രി മോദിയെ അഭിവാദ്യം ചെയ്യാന്‍ എത്തിയിട്ടുണ്ട്. പ്രധാനമന്ത്രി നരേന്ദ്ര മോദി, യുഎഇ പ്രസിഡന്റ് എന്നിവരുടെ ബാനറുകളും സ്ഥാപിച്ചിട്ടുണ്ട്.
Post Your Comments