കേന്ദ്രപാറ: തങ്ങളുടെ പ്രദേശങ്ങളിലെ കുടിവെള്ളക്ഷാമത്തിൽ പരിഹാരം കണ്ടില്ലെങ്കിൽ ഇത്തവണ വോട്ടില്ലെന്ന് ഗ്രാമവാസികൾ. കേന്ദ്രപാറയിലെ മഹാകലാപദ ബ്ലോക്കിന് കീഴിലുള്ള ഗ്രാമവാസികൾ ആണ് ഭീഷണിയുമായി രംഗത്തെത്തിയിരിക്കുന്നത്. പ്രശ്നം പരിഹരിച്ചില്ലെങ്കിൽ തിരഞ്ഞെടുപ്പ് ബഹിഷ്‌കരിക്കുമെന്നാണ് ഇവർ പറയുന്നത്. ഇതിന്റെ ഭാഗമായി ‘വെള്ളമില്ല, വോട്ടുമില്ല’ എന്ന കാമ്പയിനും ശനിയാഴ്ച ആരംഭിച്ചു.
ഗംഹ, ഭതേനി, ഹെതമുണ്ടിയ, ഭിതരശോബാല, കെൻ്റിയ, ബലിപദ കരന്ദിയാപട്ടാന തുടങ്ങിയ ഗ്രാമങ്ങളിലെ 25,000-ത്തോളം ആളുകൾ ആണ് ബഹിഷ്കരണവുമായി രംഗത്ത് വന്നിരിക്കുന്നത്. ഗോബാരി, ലൂണ നദികളിൽ വെള്ളത്തിന് വേണ്ടി ഇവർ നടിയ്ക്ക് സമീപമാണ് ഇവർ താമസിക്കുന്നതെങ്കിലും വളരെക്കാലമായി കടുത്ത ജലക്ഷാമത്തിൽ വലയുകയാണ്. പല തവണ പരാതിപ്പെട്ടിട്ടും പ്രശ്നം ഇതുവരെ പരിഹരിക്കപ്പെട്ടിട്ടില്ല.
തിരഞ്ഞെടുപ്പ് അടുത്തിരിക്കെ തങ്ങളുടെ ആവശ്യങ്ങൾ ഉടൻ അംഗീകരിച്ചില്ലെങ്കിൽ തിരഞ്ഞെടുപ്പ് ബഹിഷ്‌കരിക്കുമെന്ന് ഗ്രാമവാസികൾ ഉറപ്പിച്ചു. ഞങ്ങളുടെ ആവശ്യങ്ങൾക്കായി സമ്മർദ്ദം ചെലുത്താൻ ഞങ്ങളുടെ പ്രദേശങ്ങളിൽ പ്രചാരണത്തിന് വരുന്ന രാഷ്ട്രീയക്കാർക്ക് ‘പാനി നഹി വോട്ട് നഹി’ (വെള്ളമില്ല, വോട്ടില്ല) എന്ന വ്യക്തമായ സന്ദേശം ഞങ്ങൾ നൽകിയിട്ടുണ്ടെന്ന് ഗാംഹ ഗ്രാമത്തിലെ സാഗരിക റൗട്ട് പറഞ്ഞു. തങ്ങളുടെ ആവശ്യങ്ങൾ പരിഹരിക്കാനുള്ള മാർഗമെന്ന നിലയിൽ എല്ലാ തിരഞ്ഞെടുപ്പുകളിലും ഗ്രാമവാസികൾ വോട്ടെടുപ്പ് ബഹിഷ്‌കരിക്കാറുണ്ടെന്ന് ബിജെഡി ജില്ലാ യൂണിറ്റ് പ്രസിഡൻ്റ് ധീരൻ സാഹു പറഞ്ഞു.
Post Your Comments