മലപ്പുറത്ത് നിപ സ്ഥിരീകരിച്ച യുവതി ഗുരുതരാവസ്ഥയിൽ തുടരുന്നു

മലപ്പുറത്ത് നിപ സ്ഥിരീകരിച്ച യുവതി ഗുരുതരാവസ്ഥയിൽ തുടരുന്നു. ഇന്ന് രണ്ട് പേരുടെ പരിശോധനാ ഫലം കൂടി നെഗറ്റീവായി.
ഏകദേശം 12 ദിവസത്തോളമായി രോഗി ഗുരുതരാവസ്ഥയിൽ തുടരുകയാണ്. രണ്ടു തവണ ആൻ്റിബോഡി നൽകിയിട്ടുണ്ട്. പക്ഷേ, രോഗിയുടെ ആരോഗ്യനില മെച്ചപ്പെട്ടിട്ടില്ല. 40 പേരെ കൂടി ഇന്ന് സമ്പർക്കപ്പട്ടികയിൽ ചേർത്തു. 152 പേര് ആകെ സമ്പർക്കപ്പട്ടികയിൽ ഉള്ളത്. മലപ്പുറത്ത് നിന്നുള്ളവർ മാത്രമല്ല, തിരുവനന്തപുരം, എറണാകുളം, കോഴിക്കോട് ജില്ലകളിൽ ഉള്ളവരും സമ്പർക്ക പട്ടികയിൽ ഉൾപ്പെട്ടിട്ടുണ്ട്.

രോഗിയുമായി പ്രൈമറി കോൺടാക്റ്റ് ഉള്ളവരിൽ ചെറിയ ലക്ഷണങ്ങളുള്ള എട്ട് പേര് ചികിത്സയിലാണ്.