അനുരാധ ചില്ലറക്കാരിയല്ല , ഇതുവരെ വിവാഹം കഴിച്ചത് 25ഓളം പുരുഷന്മാരെ : തട്ടിയെടുത്തത് ലക്ഷങ്ങൾ

ജയ്പൂർ : ഇന്ത്യയിലെ വിവിധ സംസ്ഥാനങ്ങളിൽ നിന്ന് ഏഴ് മാസത്തിനിടെ 25ഓളം പുരുഷന്മാരെ വിവാഹം കഴിച്ചു യുവതി. ഒടുവിൽ യുവതി പോലീസിന്റെ പിടിയിലായി.

ഭോപ്പാലിൽ നിന്ന് രാജസ്ഥാൻ പോലീസാണ് അനുരാധ എന്ന യുവതിയെ പിടികൂടിയത്. വിവാഹതട്ടിപ്പുമായി ബന്ധപ്പെട്ട് ലഭിച്ച പരാതിയുടെ അടിസ്ഥാനത്തിലാണ് പോലീസ് യുവതിയെ അറസ്റ്റ് ചെയ്തത് എന്നാണ് ലഭിക്കുന്ന വിവരം.

വിവാഹത്തിന് ശേഷം പണവും സ്വർണവും മോഷ്ടിച്ച് കടന്നുകളയുന്നതാണ് യുവതിയുടെ രീതി എന്നാണ് പോലീസ് പറയുന്നത്. വിവാഹം കഴിക്കുന്നതിലൂടെ മോഷണം മാത്രമായിരുന്നു അനുരാധയുടെ ലക്ഷ്യം എന്നും വലിയ വിവാഹതട്ടിപ്പ് റാക്കറ്റിന്റെ ഭാഗമാണ് യുവതിയെന്നുമാണ് പോലീസ് വ്യക്തമാക്കുന്നത്.

അതേസമയം വിവാഹം നടക്കാതെ നിരാശരായ യുവാക്കളെയാണ് യുവതി ലക്ഷ്യം വച്ചിരുന്നത്. ഇവരുമായുള്ള വിവാഹം കഴിഞ്ഞയുടനെ അവരുടെ വിലപിടിപ്പുള്ള വസ്തുക്കളുമായി കടന്നുകളയുകയായിരുന്നു യുവതിയുടെ രീതി.