സേലം: തമിഴ്നാട്ടില് ഒരാള് കൂടി കോവിഡ് ബാധിച്ച് മരിച്ചു. ഇയാൾ നിസ്സാമുദ്ദിനില് നിന്ന് തിരിച്ചെത്തിയതായിരുന്നു. അതേസമയം, സേലത്ത് മരണപ്പെട്ടയാളും വൈറസ് ബാധിതനാണോയെന്ന് സംശയിക്കുന്നു. രോഗബാധിതരുടെ എണ്ണം കുതിച്ചുയരുന്ന സാഹചര്യത്തില് തമിഴ്നാട്ടില് നിയന്ത്രണം കര്ശനമാക്കി. തെങ്കാശിയില് പ്രാര്ത്ഥനാ ചടങ്ങിനെത്തിയവരെ പൊലീസ് അടിച്ചോടിച്ചു.
വില്ലുപുരത്ത് ചികിത്സയിലായിരുന്ന 51 കാരൻ അബ്ദുൾ റഹ്മാനാണ് തമിഴ്നാട്ടില് ഇന്ന് മരിച്ചത്. വില്ലുപുരം സ്വദേശിയായ ഇയാൾ വില്ലുപുരത്തെ സ്കൂൾ ഹെഡ്മാസ്റ്ററാണ്. ഇയാൾ കഴിഞ്ഞ ആഴ്ചയാണ് തബ്ലീഗ് സമ്മേളനത്തില് പങ്കെടുത്ത് മടങ്ങിയെത്തിയത്.
കോവിഡ് ലക്ഷണങ്ങളോടെ നാല് ദിവസങ്ങള്ക്ക് മുമ്പാണ് ഇയാളെ ആശുപത്രിയില് പ്രവേശിപ്പിച്ചത്. നിസാമുദ്ദിനിലെ സമ്മേളത്തില് പങ്കെടുത്ത് മാര്ച്ച് 18നാണ് 58കാരനായ സേലം സ്വദേശിയും മടങ്ങിയെത്തിയത്. സേലത്ത് നിന്നുള്ള 57 അംഗ സംഘത്തിനൊപ്പം തമിഴ്നാട് എക്സ്പ്രസിലാണ് തിരിച്ചെത്തിയത്.
ഇതുവരെ കോവിഡ് സ്ഥിരീകരിച്ച 411പരില് 364ഉം തബ്ലീഗ് സമ്മേളനത്തില് പങ്കെടുത്തവര് ആണ്. കണ്ടെയ്ന്മെന്റ് പദ്ധതിയുടെ ഭാഗമായി തിരിച്ചറിയുന്നവരുടെ സമീപത്തെ എല്ലാ വീടുകളിലും പരിശോധന വിപുലപ്പെടുത്തിയിരിക്കുകയാണ് ആരോഗ്യവകുപ്പ്. ആവശ്യസാധനങ്ങളുടെ വില്പ്പന സമയം വെട്ടിചുരുക്കി.
Post Your Comments