അക്കൗണ്ട് വേരിഫൈഡ് ആക്കാൻ പണം: ട്വിറ്ററിന്റെ തീരുമാനത്തിനെ പിന്തുണച്ച് നടി കങ്കണ റണൗത്

മുംബൈ: അക്കൗണ്ട് വേരിഫൈഡ് ആക്കാൻ പണമീടാക്കാനുള്ള ട്വിറ്ററിന്റെ തീരുമാനത്തിനെ പിന്തുണച്ച് ബോളിവുഡ് താരം കങ്കണ റണൗത് രംഗത്ത്. ഈ ലോകത്ത് സൗജന്യ ഉച്ചഭക്ഷണം പോലുമില്ലെന്നും ട്വിറ്റർ അക്കൗണ്ട് നിലനിർത്താൻ ഒരു നിശ്ചിത തുക നൽകുന്നത് അതിന്റെ സമഗ്രത വളർത്തിയെടുക്കാൻ സഹായിക്കുമെന്നും കങ്കണ വ്യക്തമാക്കി. നിലവിലുള്ളതിൽ ഏറ്റവും മികച്ച സോഷ്യൽ മീഡിയ പ്ലാറ്റ്ഫോമാണ് ട്വിറ്ററെന്നും താരം കൂട്ടിച്ചേർത്തു.

‘ഇൻസ്റ്റാ​ഗ്രാം സ്റ്റോറിയിലൂടെ പക്ഷേ ചില തിരഞ്ഞെടുക്കപ്പെട്ട ആളുകൾക്ക് മാത്രം വേരിഫിക്കേഷൻ നൽകുന്ന ആശയത്തിന് പിന്നിൽ എന്താണെന്ന് മനസിലാവുന്നില്ല. എനിക്ക് നീല ടിക്കോടുകൂടിയ അക്കൗണ്ട് ലഭിക്കും. പക്ഷേ എന്റെ പിതാവിന് ഒരു വെരിഫൈഡ് അക്കൗണ്ട് വേണമെങ്കിൽ, അയാൾ എന്തെങ്കിലും നിയമവിരുദ്ധമായ ജീവിതം നയിക്കുന്നു എന്ന മട്ടിൽ മൂന്നോ നാലോ വിഡ്ഢികൾ അദ്ദേഹത്തിന്റെ വ്യക്തിത്വം തന്നെ നിരാകരിക്കും. ആധാർ കാർഡ് ഉള്ള എല്ലാവർക്കും ലളിതമായി ട്വിറ്റർ അക്കൗണ്ട് വേരിഫിക്കേഷൻ ലഭിക്കണം,’ കങ്കണ പറഞ്ഞു.

വാടക വീട്ടില്‍ കാമുകിയേയും കുടുംബത്തേയും കൊലപ്പെടുത്തിയ ശേഷം യുവാവ് ജീവനൊടുക്കി

‘ഒരു ട്വിറ്റർ അക്കൗണ്ട് നിലനിർത്താൻ ഒരു നിശ്ചിത തുക നൽകുന്നത് അതിന്റെ സമഗ്രത വളർത്തിയെടുക്കാൻ മാത്രമേ സഹായിക്കൂ. ഈ ലോകത്ത് സൗജന്യ ഉച്ചഭക്ഷണം പോലുമില്ല. നിങ്ങൾ സ്വതന്ത്രമായി ഉപയോ​ഗിക്കുന്ന ഈ പ്ലാറ്റ്‌ഫോമുകളെല്ലാം എങ്ങനെ നിലനിൽക്കുമെന്ന് നിങ്ങൾ എപ്പോഴെങ്കിലും ചിന്തിച്ചിട്ടുണ്ടോ? അവർ ഡാറ്റ വിൽക്കുക മാത്രമല്ല, നിങ്ങളെ അവരുടെ ഭാഗമാക്കുകയും നിങ്ങളെ സ്വാധീനിക്കുകയും പിന്നീട് നിങ്ങളുടെ ശബ്ദവും ബോധവുമുൾപ്പെടെ ദിവസത്തിലെ ഓരോ മിനിറ്റിലും വിൽക്കുകയും ചെയ്യുന്നു. സ്വയം സുസ്ഥിരമായ ഒരു സോഷ്യൽ മീഡിയ പ്ലാറ്റ്ഫോം നിർമ്മിക്കാൻ ശ്രമിക്കുന്നത് മോശം കാര്യമല്ല.’ കങ്കണ വ്യക്തമാക്കി.