നാവിൽ വെള്ളമൂറും റമദാൻ നോമ്പ് തുറ വിഭവം എഗ്ഗ് കബാബ്

റമദാനിൽ മറ്റുള്ളവരെ നോമ്പുതുറപ്പിക്കുന്നതും സംഘടിതമായി നോമ്പുതുറക്കുന്നതും പുണ്യകരമായ കാര്യമാണ്. മഗ്‌രിബ് ബാങ്കോടെയാണ് ഒരുദിവസത്തെ വ്രതം അവസാനിപ്പിക്കുന്നത്. ഈത്തപ്പഴമോ വെള്ളമോ കൊണ്ട് വ്രതം അവസാനിപ്പിക്കുന്നതാണ് പ്രവാചക ചര്യ. നോമ്പ് തുറ വിഭവങ്ങളിൽ പ്രധാനിയാണ് എഗ്ഗ് കബാബ്. നാവിൽ വെള്ളമൂറും എഗ്ഗ് കബാബ് തയ്യാറാക്കുന്നത് എങ്ങനെയെന്ന് നോക്കാം.

ആവശ്യം വേണ്ട സാധനങ്ങൾ.

മുട്ട – 4

സവോള.-2

കിഴങ്ങു..2

പച്ചമുളക് – 3

ഇഞ്ചി.വേളുത്തുള്ളി- 1 സ്പൂൺ

മഞ്ഞൾ പൊടി – അര ടീസ്പൂൺ

കുരുമുളക് പൊടി- ഒരു സ്പൂൺ

ഗരം മസാല- അര സ്പൂൺ

ബ്രെഡ് പൊടി – കുറച്ച്

ഉപ്പ്, എണ്ണ – ആവശ്യത്തിന്

മല്ലി, കറിവേപ്പില – ആവശ്യത്തിന്

തയ്യാറാക്കുന്ന വിധം

ആദ്യം 3 മുട്ട പുഴുങ്ങി 4 ആയി കീറുക. പിന്നീട് കിഴങ്ങും കുറച്ചു ഉപ്പിട്ട് പുഴുങ്ങി ഉടച്ചു വെക്കുക..ഇനി പാനിൽ എണ്ണ ഒഴിച്ച് ചൂടാക്കി പച്ചക്കറികൾ എല്ലാം ഇട്ടു വഴറ്റി അവസാനം പൊടികളും ഇലകളും ഇട്ട കൊടുക്കുക.

ഇളക്കി അവസാനം ഉടച്ചു വെച്ച കിഴങ്ങും ഇട്ടു എല്ലാം കൂടെ മിക്സ് ആക്കി ഇറക്കി വെയ്ക്കുക. ഇത് ഒരു മുട്ട കഷ്ണം എടുത്തു അതിലോട്ട് ഫുൾ സ്റ്റഫ് ചെയ്തു കവർ ചെയ്യുക. ഇത് മുട്ട വെള്ളയിൽ മുക്കി ബ്രെഡ്‌ ക്രമ്പ്സിൽ പൊതിഞ്ഞു എണ്ണയിൽ ഫ്രൈ ചെയ്തെടുക്കുക.