Kerala

പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച മധ്യവയസ്‌കന്‍ അറസ്റ്റില്‍

കണ്ണൂര്‍ : പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച മധ്യവയസ്‌കന്‍ അറസ്റ്റില്‍. പെരിങ്ങോം സ്വദേശി മനോജിനെയാണ് പയ്യന്നൂര്‍ സി ഐയുടെ നേതൃത്വത്തിലുളള സംഘം പിടികൂടിയത്. ചെറുപുഴയിലെ പതിനൊന്നുകാരിയാണ് പീഡനത്തിന് ഇരയായത്. മനോജ് രണ്ട് വര്‍ഷമായി കുട്ടിയെ ലൈംഗികമായി പീഡിപ്പിക്കുകയായിരുന്നവെന്നാണ് കുട്ടിയുടെ പരാതി.

ഒന്‍പത് വയസ്സുളളപ്പോള്‍ മുതല്‍ പീഡനം തുടങ്ങിയതാണെന്നും ഭീഷണിപ്പെടുത്തിയെന്നും പെണ്‍കുട്ടി മൊഴി നല്‍കി. വീട്ടില്‍ ആളില്ലാത്ത സമയങ്ങളിലായിരുന്നു ചൂഷണമെന്ന് പെണ്‍കുട്ടിയുടെ മൊഴിയില്‍ പറയുന്നു. പുറത്ത് പറഞ്ഞാല്‍ കൊല്ലുമെന്ന് ഭീഷണിപ്പെടുത്തി പീഡനം തുടര്‍ന്നു. കഴിഞ്ഞ ദിവസം സ്‌കൂളിലെ ബോധവത്കരണക്ലാസില്‍ വച്ച് കുട്ടി അധ്യാപികയോട് വിവരം പറഞ്ഞു. അധ്യാപികയാണ് പൊലീസിനെ അറിയിച്ചത്. തുടര്‍ന്ന് ചൊവ്വാഴ്ച രാവിലെ പയ്യന്നൂര്‍ സി ഐ വി രമേശന്റെ നേതൃത്വത്തിലളള സംഘ മനോജിനെ അറസ്റ്റുചെയ്യുകയായിരുന്നു. തലശ്ശേരി കോടതിയില്‍ ഹാജരാക്കിയ പ്രതിയെ പൊലീസ് കസ്റ്റഡിയില്‍ വിട്ടു.

shortlink

Related Articles

Post Your Comments

Related Articles


Back to top button