ന്യൂഡല്‍ഹി: ചെങ്കോട്ടയിലെ കിണറിനുള്ളില്‍ വെടിയുണ്ടകളും സ്ഫോടക വസ്തുക്കളുമടങ്ങിയ പെട്ടികള്‍ കണ്ടെത്തി. റെഡ്ഫോര്‍ട്ടും പരിസരങ്ങളും വൃത്തിയാക്കുന്നതിന്റെ ഭാഗമായി കിണര്‍ ശുദ്ധീകരിക്കുന്നതിനിടയിലാണ് പെട്ടികള്‍ കണ്ടെത്തിയത്.വിവരമറിഞ്ഞ എൻ എസ് ജിയും സൈന്യവും രംഗത്തെത്തി . ബോംബ് നിർവീര്യമാക്കുന്ന സ്‌ക്വാഡും ഉണ്ടായിരുന്നു.വൈകിട്ട് അഞ്ചുമണിയോടെയാണിവ കണ്ടെത്തിയത്. 5 മോര്‍ട്ടാര്‍ ഷെല്ലുകളും 44 വെടിയുണ്ടകളും കൂടാതെ വെടിയുണ്ടകള്‍ ഒഴിഞ്ഞ 87 ഉറകളും കണ്ടെടുത്തതായി എന്‍ എസ് ജി ഉദ്യോഗസ്ഥന്‍ അറിയിച്ചു.ചെങ്കോട്ടയ്ക്ക് പിന്നിലുള്ള കിണറില്‍ നിന്നുമാണ് പെട്ടികള്‍ കണ്ടെത്തിയത്.
Post Your Comments