Latest NewsNewsIndia

കസ്തൂരിരംഗൻ വീണ്ടും ഇത്തവണ പുതിയ ദൗത്യം

ന്യൂ​ഡ​ൽ​ഹി:  പുതിയ ദൗത്യവുമായി പ്ര​മു​ഖ ശാ​സ്ത്ര​ജ്ഞ​ൻ കെ. കസ്തൂരിരംഗൻ വീണ്ടും. കേ​ന്ദ്രസ​ർ​ക്കാ​ർ ദേ​ശീ​യ വി​ദ്യാ​ഭ്യാ​സ ന​യ​ത്തി​ന്‍റെ അ​ന്തി​മ​രൂ​പം ത​യാ​റാ​ക്കു​ന്നതിനു ക​സ്തൂ​രി​രം​ഗ​ന്‍റെ അ​ധ്യ​ക്ഷ​ത​യി​ൽ പുതിയ സമിതി രൂ​പീ​ക​രി​ച്ചു. നിലവിലെ ദേ​ശീ​യ വി​ദ്യാ​ഭ്യാ​സ ന​യ​ത്തി​നാ​യു​ള്ള ക​ര​ടു റി​പ്പോ​ർട്ട് നിരവധി വിവാദങ്ങൾക്കാണ് വഴിതെളിയിച്ചത്. ക​ര​ടുന​യ​ത്തി​ലെ നി​ർ​ദേ​ശ​ങ്ങ​ൾ ന​ട​പ്പാ​ക്കാൻ നിയമം ഭേ​ദ​ഗ​തി ചെ​യ്യേ​ണ്ടി​വ​രുമായിരുന്നു. വി​ദ്യാ​ഭ്യാ​സ അ​വ​കാ​ശനി​യമ​ത്തിലെ വ്യവസ്ഥകളാണ് കരടു റി​പ്പോ​ർട്ട് ന​ട​പ്പാ​ക്കിയാൽ ഭേദഗതി ചെ​യ്യേ​ണ്ടി​വ​രിക. ഇതാണ് വിവാദങ്ങൾക്ക് ഇടം നൽകിയത്. അതാണ് പു​തി​യസ​മി​തി​ക്കു രൂ​പം ന​ൽ​കാനുള്ള കേ​ന്ദ്രസ​ർ​ക്കാ​ർ തീരുമാനത്തിനു കാരണം.
കേ​ര​ള​ത്തി​ൽ നി​ന്നു​ള്ള മു​ൻ ഐ​എ​എ​സ് ഉ​ദ്യോ​ഗ​സ്ഥ​നും ബി​ജെ​പി ദേ​ശീ​യ നി​ർ​വാ​ഹ​ക സ​മി​തി അം​ഗ​വു​മാ​യ അ​ൽ​ഫോ​ൻ​സ് ക​ണ്ണ​ന്താ​ന​വും സ​മി​തി​യി​ൽ അം​ഗ​മാ​ണ്. മും​ബൈ എ​സ്എ​ൻ​ഡി​ടി സ​ർ​വ​ക​ലാ​ശാ​ലാ വൈ​സ് ചാ​ൻ​സ​ല​ർ വ​സു​ധ കാ​മ​ത്ത്, പ്രി​ൻ​സ്റ്റ​ണ്‍ സ​ർ​വ​ക​ലാ​ശാ​ല​യി​ലെ ഗ​ണിത​ശാ​സ്ത്ര അ​ധ്യാ​പ​ക​ൻ മ​ഞ്ജു​ൾ ഭാ​ർ​ഗ​വ, ബാ​ബ സാ​ഹേ​ബ് അം​ബേ​ദ്ക​ർ സ​ർ​വ​ക​ലാ​ശാ​ലാ വൈ​സ് ചാ​ൻ​സ​ല​ർ രാം ​ശ​ങ്ക​ർ കു​രീ​ൽ, അ​മ​ർ​കാ​ന്ത​ക് ട്രൈ​ബ​ൽ സ​ർ​വ​ക​ലാ​ശാ​ലാ വൈ​സ് ചാ​ൻ​സ​ല​ർ ടി.​വി. ക​ട്ട​മ​ണി, ഗോ​ഹ​ട്ടി സ​ർ​വ​ക​ലാ​ശാ​ല​യി​ലെ പേ​ർ​ഷ്യ​ൻ അ​ധ്യാ​പ​ക​ൻ മ​ഹ്സ​ർ ആ​സി​ഫ്, കെ.​എം. ത്രി​പാ​ഠി, സി​എ​ബി​ആ അം​ഗം എം.​കെ. ശ്രീ​ധ​ർ എ​ന്നി​വ​രാ​ണു കസ്തൂരിരംഗൻ സ​മി​തി​യി​ലെ മ​റ്റം​ഗ​ങ്ങ​ൾ.
മു​ൻ കാ​ബി​ന​റ്റ് സെ​ക്ര​ട്ട​റി ടി.​എ​സ്.​ആ​ർ. സു​ബ്ര​ഹ്മ​ണ്യ​ന്‍റെ അ​ധ്യ​ക്ഷ​ത​യിലുള്ള സമിതിയാണ് ക​ര​ട് റി​പ്പോ​ർ​ട്ടിനു രൂപം നൽകിയത്. ക​ഴി​ഞ്ഞ വ​ർ​ഷം മേ​യ് 27നാ​ണു സമിതി റിപ്പോർട്ട് സമർപ്പിച്ചത്.
ആദ്യസമിതിയുടെ റിപ്പോർട്ട് പ്രകാരം സ്കൂ​ൾ വി​ദ്യാ​ഭ്യാ​സ മേ​ഖ​ല​യി​ലെ പ​രീ​ക്ഷാ സം​വി​ധാ​ന​ങ്ങ​ൾക്ക് മാറ്റം നിർദേശിക്കുന്നു. പ​ത്താം ക്ലാ​സ് വി​ദ്യാ​ർ​ഥി​ക​ൾ​ക്കു ര​ണ്ടു ഘ​ട്ട​ങ്ങ​ളി​ലാ​യി ബോ​ർ​ഡ് പ​രീ​ക്ഷ, പ​ന്ത്ര​ണ്ടാം ക്ലാ​സ് ക​ഴി​ഞ്ഞവർ​ക്കു കോ​ള​ജ് പ്ര​വേ​ശ​ന​ത്തി​നു ദേ​ശീ​യത​ല​ത്തി​ൽ പ്ര​ത്യേ​ക പ​രീ​ക്ഷ​ വേണം. യു​ജി​സി​ക്കു ബ​ദ​ൽസം​വി​ധാ​നം വേ​ണ​മെ​ന്നും സമിതി നി​ർ​ദേ​ശി​ച്ചി​രു​ന്നു

shortlink

Related Articles

Post Your Comments

Related Articles


Back to top button