ആഗോള വിപണിയിലെ മുന്നേറ്റം തുണച്ചു: സെന്‍സെക്‌സ് കുതിച്ചുയര്‍ന്നു

മുംബൈ: സെന്‍സെക്‌സ് ഇത്തവണ പ്രതീക്ഷിച്ചതിലും വലിയ നേട്ടം കൈവരിച്ചു. ആഗോള വിപണിയിലെ മുന്നേറ്റം രാജ്യത്തെ ഓഹരി സൂചികകള്‍ക്ക് കരുത്തേകിയെന്നാണ് വിലയിരുത്തല്‍. സെന്‍സെക്‌സ് 355.01 പോയന്റ് നേട്ടത്തില്‍ 31715.64ലിലും നിഫ്റ്റി 105.25 പോയന്റ് ഉയര്‍ന്ന് 9771.05ലുമാണ് വ്യാപാരം അവസാനിപ്പിച്ചത്.

ബിഎസ്ഇയിലെ 1540 കമ്പനികളുടെ ഓഹരികള്‍ നേട്ടത്തിലും 1103 ഓഹരികള്‍ നഷ്ടത്തിലുമായിരുന്നു. ഭാരതി എയര്‍ടെല്‍, ടിസിഎസ്, വിപ്രോ, സണ്‍ഫാര്‍മ, ലുപിന്‍, ഇന്‍ഫോസിസ്, ഒഎന്‍ജിസി, ടാറ്റ മോട്ടോഴ്‌സ്, എസ്ബിഐ തുടങ്ങിയവ നേട്ടത്തില്‍ എത്തി. ഐടിസി, മാരുതി സുസുകി, ഇമാമി തുടങ്ങിയവ നഷ്ടത്തിലാണ് വ്യാപാരം അവസാനിപ്പിച്ചത്.