ഖ​ട്ട​ർ രാ​ജി​വ​യ്ക്ക​ണ​മെ​ന്ന ആവശ്യവുമായി ഒ​ഡീ​ഷ രംഗത്ത്

ന്യൂ​ഡ​ൽ​ഹി: ദേ​ര സ​ച്ചാ സൗ​ദ നേതാവ് ഗുർമീത് ഗുര്‍മീത് റാം റഹിം സിങ്ങിനെ കുറ്റക്കാരണെന്നു കോടതി വിധിച്ചതിനെ തുടർന്ന് ഹ​രി​യാ​നയിൽ കലാപം ഉണ്ടായ സംഭവത്തിന്‍റെ ഉ​ത്ത​ര​വാ​ദി​ത്വം ഏ​റ്റെ​ടു​ത്ത് ഹ​രി​യാ​ന മു​ഖ്യ​മ​ന്ത്രി മ​നോ​ഹ​ർ ലാ​ൽ ഖ​ട്ട​ർ രാ​ജി​വ​യ്ക്ക​ണ​മെ​ന്ന് ഒ​ഡീ​ഷ. കലാപത്തിന്‍റെ ധാ​ർ​മി​ക ഉ​ത്ത​ര​വാ​ദി​ത്വം മ​നോ​ഹ​ർ ലാ​ൽ ഖ​ട്ട​റിനാണ്. 36 പേരാണ് കലാപത്തിൽ മരിച്ചത്. ഇതിന്‍റെ ഉ​ത്ത​ര​വാ​ദി​ത്വം ഏറ്റെടുത്ത് ഖട്ടർ സ്ഥാനമൊഴിയണമെന്നു ഒ​ഡീ​ഷയിലെ ഭ​ര​ണ ക​ക്ഷി​യാ​യ ബി​ജെ​ഡി​യു​ടെ വ​ക്താ​വ് പി.​കെ ദേ​ബ് പ​റ​ഞ്ഞു. എ​ന്നാ​ൽ ദേ​ര ക​ലാ​പം രാ​ഷ്ട്രീ​യ​വ​ത്ക​രി​ക്ക​രു​തെ​ന്ന് ബി​ജെ​പി സം​സ്ഥാ​ന അ​ധ്യ​ക്ഷ​ൻ പ്രി​ഥ്വി​രാ​ജ് ഹ​രി​ച​ന്ദ​ൻ അഭിപ്രായപ്പെട്ടു.

ഹ​രി​യാ​ന-​പ​ഞ്ചാ​ബ് ഹൈ​ക്കോ​ട​തി കേ​ന്ദ്ര​ത്തേ​യും ഹ​രി​യാ​ന സ​ർ​ക്കാ​രി​നെ​യും കലാപത്തിന്‍റെ പശ്ചത്താലത്തിൽ അതിരൂക്ഷമായി വിമർശിച്ചു. കേ​ന്ദ്രം ക​ലാ​പം ത​ട​യാ​ൻ ഇ​ട​പെ​ടാ​ൻ വൈ​കി​യ​തും സം​സ്ഥാ​ന​ത്തി​ന്‍റെ മാ​ത്രം പ്ര​ശ്ന​മാ​ണി​തെ​ന്നും നി​ല​പാ​ടെ​ടു​ത്ത​തും കോ​ട​തി​യെ ചൊ​ടി​പ്പി​ച്ചു. ഹ​രി​യാ​ന​യോ​ട് ചി​റ്റ​മ്മ​ന​യ​മാ​ണോ കേ​ന്ദ്രം പു​ല​ർ​ത്തു​ന്ന​തെ​ന്നും കോ​ട​തി ചോ​ദി​ച്ചു. അ​ക്ര​മം ന​ട​ക്കു​മ്പോ​ൾ ഹ​രി​യാ​ന മു​ഖ്യ​സ​മ​ന്ത്രി കൈ​യും​കെ​ട്ടി നോ​ക്കി​യി​രി​ക്കു​ക​യാ​യി​രു​ന്നെ​ന്നും കോ​ട​തി ആരാഞ്ഞു.