KeralaLatest NewsIndia

മാവോയിസ്റ്റ് സാന്നിധ്യം; പൊലീസ് തിരച്ചില്‍ ഊർജ്ജിതമാക്കുന്നു

കോഴിക്കോട്: താമരശ്ശേരി പുതുപ്പാടിയിലെ മട്ടിക്കുന്ന് വനമേഖലയില്‍ മാവോയിസ്റ്റുകള്‍ എത്തിയതായി സൂചനയെ തുടർന്ന് പോലീസ് തിരച്ചിൽ ആരംഭിച്ചു. പരപ്പന്‍പാറയിലെ കാടിനോട് ചേര്‍ന്ന റബ്ബര്‍ എസ്റ്റേറ്റില്‍ താമസിക്കുന്ന സ്ത്രീയുടെ വീട്ടിലാണ് മാവോയിസ്റ്റുകള്‍ എന്ന് സംശയിക്കുന്നവർ എത്തിയത്.

കഴിഞ്ഞ ദിവസം വൈകീട്ടോടെ ഒരു സ്ത്രീയും പുരുഷനും സാധാരണ വേഷത്തിലാണ് എത്തുകയായിരുന്നു. ഇവര്‍ മോവോയിസ്റ്റുകള്‍ എന്ന് പരിചയപ്പെടുത്തുകയും വീട്ടുകാരെ പരിചയപ്പെടുകയും ചെയ്തു. പിന്നീട് രാത്രി വീണ്ടും എത്തി. പച്ച നിറത്തിലുളള യൂണിഫോം ധരിച്ച 3 പേരും കൂടെ ഉണ്ടായിരുന്നു.

ഇവർ കയ്യിൽ തോക്കും കരുതിയിരുന്നു.ഇവര്‍ ആവശ്യപ്പെട്ടതനുസരിച്ച്‌ വീട്ടുകാര്‍ ഭക്ഷണം ഉണ്ടാക്കിക്കൊടുത്തു. പിറ്റേദിവസം വീട്ടിലെത്തി ഭക്ഷണവും കഴിച്ച്‌ വീട്ടുകാര്‍ക്ക് 100 രൂപയും നല്‍കിയാണ് മാവോയിസ്റ്റുകള്‍ മടങ്ങിയത്. വിവരമറിഞ്ഞ പൊലീസ് പ്രദേശത്തെത്തി അന്വേഷണം ആരംഭിച്ചു.

shortlink

Related Articles

Post Your Comments

Related Articles


Back to top button