ന്യൂഡല്‍ഹി:ന്യൂക്ലിയര്‍ ശാസ്ത്രജ്ഞനെ സ്വന്തം വീട്ടില്‍ മരിച്ച്‌ പുഴുവരിച്ച നിലയില്‍ കണ്ടെത്തി. ഇന്ത്യന്‍ കാര്‍ഷിക ഗവേഷണ കേന്ദ്രത്തില്‍ നിന്ന് വിരമിച്ച 64 കാരനായ ശാസ്ത്രജ്ഞന്‍ ഡോ. യാഷ്വീര്‍ സൂഡിനെയാണ് മരിച്ച നിലയില്‍ കണ്ടെത്തിയത്. നാലു ദിവസം പഴകിയ നിലയിലാണ് പോലീസ് മൃതദേഹം കണ്ടെടുക്കുന്നത്.
വീട്ടില്‍ നിന്ന് ദുര്‍ഗന്ധം ഉയരാന്‍ തുടങ്ങിയതോടെ സമീപവാസികള്‍ പോലീസില്‍ അറിയിക്കുകയായിരുന്നു. പൊലീസെത്തി ബലപ്രയോഗത്തിലൂടെ വീട്ടില്‍ കയറിയപ്പോഴാണ് ശാസ്ത്രജ്ഞന്റെ ശരീരം പ്ലാസ്റ്റിക് ഷീറ്റില്‍ പുഴുവരിച്ച നിലയില്‍ കണ്ടത്. മാനസിക പ്രശ്നങ്ങളുള്ള രണ്ടു സഹോദരങ്ങള്‍ക്കൊപ്പമാണ് യാഷ്വീര്‍ കഴിഞ്ഞിരുന്നത്. അവിവാഹിതരായ മൂന്നു പേരും പുറംലോകവുമായി ബന്ധം പുലര്‍ത്തിയിരുന്നില്ല.
ഇന്ത്യന്‍ കാര്‍ഷിക ഗവേഷണ കേന്ദ്രത്തില്‍ 2015ലാണ് അദ്ദേഹം വിരമിച്ചത്. വിരമിച്ചതിനു ശേഷം ഗവേഷണ കേന്ദ്രത്തിനു സമീപമുള്ള ഒരു ഇടുങ്ങിയ മുറിയിലാണ് അദ്ദേഹം സഹോദരങ്ങളോടൊപ്പം കഴിഞ്ഞിരുന്നത്.
സാധാരണ മരണമായിരുന്നു ശാസ്ത്രജ്ഞന്റെതെങ്കിലും അദ്ദേഹത്തിന് പോഷകാഹാരക്കുറവ് ഉണ്ടായിരുന്നെന്ന് പൊലീസ് പറഞ്ഞു. അദ്ദേഹത്തിന്റെ സഹോദരങ്ങള്‍ക്കും പോഷകാഹാരക്കുറവുണ്ട്. ഇരുവരെയും ഹ്യൂമന്‍ ബിഹേവിയന്‍ ആന്‍റ് സയന്‍സ്സ് ഇന്‍സ്റ്റിറ്റ്യൂട്ടില്‍ പ്രവേശിപ്പിച്ചിരിക്കുകയാണ്. വിരമിച്ചതിനു ശേഷം തന്റെ പെന്‍ഷനോ ഗ്രാറ്റ്വിറ്റിയോ യാഷ്വീര്‍ കൈപ്പറ്റിയിട്ടില്ല.
Post Your Comments