ഒരു കുടുംബത്തിൽ ഉറങ്ങികിടന്ന അഞ്ചുപേരെ അജ്ഞാതൻ കൊലപ്പെടുത്തി

ജെയ്പൂര്‍: ഒരു കുടുംബത്തിൽ ഉറങ്ങികിടന്ന അഞ്ചുപേരെ അജ്ഞാതൻ വെട്ടിക്കൊലപ്പെടുത്തി. രാജസ്ഥാനിലെ ജെയ്‌പൂരിലാണ് സംഭവം. ബന്‍ വാരി ലാല്‍ (45), അദ്ദേഹത്തിന്റെ മക്കള്‍ അജ്ജു, ഹാപ്പി, അനതരവന്മാരായ നിക്കി, അമന്‍ എന്നിവരെ മൂര്‍ച്ഛയേറിയ ആയുധമുപയോഗിച്ച് അജ്ഞാതൻ കൊലപ്പെടുത്തുകയായിരുന്നു.

4 മുതല്‍ 17 വരെ വയസ് പ്രായമുള്ള കുട്ടികളാണ് കൊല്ലപ്പെട്ടത്.ബന്‍വാരിയും കുട്ടികളും ഒരു മുറിയിലും ഭാര്യയും അനുജത്തിയും മറ്റൊരു മുറിയിലുമാണ് കിടന്നിരുന്നത്. അതിനാൽ രാവിലെയാണ് ബന്‍ വാരിയും മക്കളും കൊല്ലപ്പെട്ട വിവരം ഭാര്യയും അനുജത്തിയും അറിയുന്നത്. പോലീസ് കേസെടുത്ത് അന്വേഷണം ആരംഭിച്ചു.