Latest NewsNewsGulf

മന്ത്രവാദത്തിലൂടെ വൈവാഹിക പ്രശ്നങ്ങൾക്ക് പരിഹാരം; അറബ് സഹോദരികൾ അറസ്റ്റിൽ

അബുദാബി: ദുർമന്ത്രവാദത്തിനെതിരെ അബുദാബി പൊലീസ്. വൈവാഹികമോ മറ്റ് പ്രശ്നങ്ങളോ ഉണ്ടെങ്കിൽ വിദഗ്ധരും സൈക്യാട്രിസ്റ്റുകളുമായുള്ള സഹായം തേടാൻ അബുദാബി പോലീസ് നിർദേശം നൽകിയിട്ടുണ്ട്. ജനങ്ങളെ ബോധവത്കരിക്കാനും മന്ത്രവാദത്തിന്റെ ദൂഷ്യവശങ്ങളെ കുറിച്ച് മനസിലാക്കാനും ബോധവൽക്കരണ പരിപാടികൾ ആരംഭിച്ചു. മന്ത്രവാദത്തിന്റെ പേരിൽ 2 അറബ് സ്ത്രീകൾ അറസ്റ്റിലായ സാഹചര്യത്തിലാണ് ബോധവത്കരണ പരിപാടി നടത്തുന്നത്.

മന്ത്രവാദം വഴി വൈവാഹിക പ്രശ്നങ്ങൾ പരിഹരിക്കാൻ സാധിക്കുമെന്നാണ് ഈ സ്ത്രീകൾ അവകാശപ്പെടുന്നത്. അറബ് സ്ത്രീകൾക്ക് ഇതിനുള്ള പ്രത്യേക ശക്തികൾ ഉണ്ടെന്നും അവർ അവകാശപ്പെടുന്നു. ഇവരുടെ വലയിൽ കുടുങ്ങി വഞ്ചിക്കപ്പെട്ട നിരവധി സ്ത്രീകളാണ് പോലീസിൽ പരാതി നൽകിയത്. ഈ പരാതിയുടെ അടിസ്ഥാനത്തിലാണ് ഇവരെ അറസ്റ്റ് ചെയ്തത്.

മന്ത്രവാദത്തിലൂടെ വൈവാഹിക പ്രശ്നങ്ങൾക്ക് പരിഹരിക്കാൻ സാധിക്കുമെന്നാണ് ഈ സ്ത്രീകൾ അവകാശപ്പെടുന്നത്. എന്നാൽ മന്ത്രവാദം കൊണ്ട് ഇവ ശരിയാകില്ലെന്നും മറിച്ച് ഇത്തരക്കാർ കൗൺസിലിങ്ങോ സൈക്യാട്രിസ്റ്റുകളെയോ സമീപിക്കണമെന്ന് പോലീസ് വ്യക്തമാക്കി. അറബ് വനിതകൾ അവരുടെ സേവനങ്ങൾക്കായി 34,000 ദിർഹമാണ് ചാർജ് ചെയ്യുന്നതെന്ന് പോലീസ് പറഞ്ഞു.

Tags

Post Your Comments

Related Articles


Close
Close