KeralaLatest News

കേരളത്തിലെ നാല് ജില്ലകളിൽ യെല്ലോ അലര്‍ട്ട്

25ന് കേരളത്തില്‍ ഒന്നോ രണ്ടോ സ്ഥലങ്ങളില്‍ ശക്തമായ മഴ പെയ്യുമെന്ന് കാലാവസ്ഥ വകുപ്പ് മുന്നറിയിപ്പ് നല്‍കി

തിരുവനന്തപുരം: കര്‍ണാടക മുതല്‍ കന്യാകുമാരിവരെ ന്യൂനമർദ്ദവും ശ്രീലങ്കയില്‍ നിന്ന് കന്യാകുമാരി ഭാ​ഗത്തേക്ക് അന്തരീക്ഷച്ചുഴിയും രൂപം കൊള്ളാൻ സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം. ഇത് മൂലം 25ന് കേരളത്തില്‍ ഒന്നോ രണ്ടോ സ്ഥലങ്ങളില്‍ ശക്തമായ മഴ പെയ്യുമെന്ന് കാലാവസ്ഥ വകുപ്പ് മുന്നറിയിപ്പ് നല്‍കി. ഇടുക്കി, പാലക്കാട്, മലപ്പുറം, വയനാട് ജില്ലകളില്‍ 25ന് യെല്ലോ അലര്‍ട്ട് പ്രഖ്യാപിച്ചിട്ടുണ്ട്.

ഒന്നോ രണ്ടോ സ്ഥലങ്ങളില്‍ 24 മണിക്കൂറിനിടെ ഏഴു മുതല്‍ 11 സെന്റിമീറ്റര്‍‌ വരെ മഴ പെയ്യുമെന്നാണ് അറിയിപ്പ്. അതേസമയം ഒഡീഷ തീരത്തു രൂപപ്പെട്ട ചുഴലിക്കാറ്റ് ദായേ ചത്തീസ്​ഗഡ് ഭാ​ഗത്തേയ്ക്ക് നീങ്ങുന്നതായി കാലാവസ്ഥ നിരീക്ഷണ കേന്ദ്രം അറിയിച്ചു.

Tags

Post Your Comments

Related Articles


Close
Close