Latest NewsKeralaIndia

മോദി സര്‍‌ക്കാരിനെ വാനോളം പുകഴ്ത്തി എൻ എസ്‌ എസ് :തെളിഞ്ഞത് കേന്ദ്രസര്‍ക്കാരിന്റെ നീതിബോധവും ഇച്ഛാശക്തിയും

കോട്ടയം: സാമ്പത്തികമായി പിന്നാക്കം നില്‍ക്കുന്ന മുന്നാക്ക വിഭാഗക്കാര്‍ക്ക് 10 ശതമാനം സംവരണം നല്‍കാനുള്ള കേന്ദ്രസര്‍ക്കാര്‍ തീരുമാനത്തെ സ്വാഗതം ചെയ്ത് നായര്‍ സര്‍വീസ് സൊസൈറ്റി (എന്‍.എസ്.എസ്).സാമൂഹിത നീതി നടപ്പാക്കാനുള്ള ശ്രമമാണ് ഇതെന്ന് എന്‍.എസ്.എസ് ജനറല്‍ സെക്രടറി ജി സുകുമാരന്‍ നായര്‍ പ്രതികരിച്ചു . അരനൂറ്റാണ്ടിലേറെക്കാലമായി എന്‍.എസ്.എസ് മുന്നോട്ടു വെച്ചിരുന്ന കാര്യമായിരുന്നെന്നും അത് നടപ്പാക്കുക വഴി തെളിഞ്ഞിരിക്കുന്നത് കേന്ദ്ര സര്‍ക്കാരിന്റെ നീതി ബോധവും ഇച്ഛാശക്തിയുമാണ്‌ എന്ന് അദ്ദേഹം പറഞ്ഞു.

പ്രധാനമന്ത്രി നരേന്ദ്രമോദിയുടെ നേതൃത്വത്തില്‍ ഇന്ന് ചേര്‍ന്ന അടിയന്തര മന്ത്രിസഭാ യോഗത്തിലാണ് സാമ്പത്തികമായി പിന്നാക്കം നില്‍ക്കുന്ന മുന്നാക്ക വിഭാഗക്കാര്‍ക്ക് 10 ശതമാനം സംവരണമെന്ന നിര്‍ണായക തീരുമാനം കൈക്കൊണ്ടത്. ഇതുമായി ബന്ധപ്പെട്ട് നാളെ പാര്‍ലമെന്റില്‍ ഭരണഘടന ഭേദഗതി കൊണ്ടുവരാനാണ് കേന്ദ്ര സര്‍ക്കാര്‍ നീക്കം. ഭരണഘടനയുടെ 15, 16 വകുപ്പുകളിലാണ് ഭേദഗതി വരുത്താന്‍ ഉദ്ദേശിക്കുന്നത്. ഇതോടെ ജനറല്‍ കാറ്റഗറിയില്‍ വരുന്ന സാമ്പത്തികമായി പിന്നാക്കം നില്‍ക്കുന്നവര്‍ക്ക് സംവരണത്തിന്റെ ആനുകൂല്യം ലഭ്യമാകും.

shortlink

Related Articles

Post Your Comments

Related Articles


Back to top button