രാജസ്ഥാനില്‍ വിവരാവകാശ പ്രവര്‍ത്തകര്‍ക്ക് മറുപടിയായി ലഭിച്ച കവറിനുള്ളില്‍ ഗര്‍ഭനിരോധന ഉറകള്‍ കണ്ടെത്തിയതായി പരാതി. പരാതിയിന്‍മേല്‍ ഹനുമാന്‍ഗ്രാം ജില്ലാ ഭരണകൂടം അന്വേഷണം ആരംഭിച്ചു.
ജില്ലയിലെ ഭദ്രാ തെസില്‍സിലിലെ ചാനി ബാദിയിലെ താമസക്കാരും വിവരാവകാശ പ്രവര്‍ത്തകരുമായ വികാസ് ചൗധരിയും മനോരോ ലാലുമാണ് 2001 ല്‍ നടന്ന വികസന പ്രവര്‍ത്തനങ്ങളുമായി ബന്ധപ്പെട്ട വിവരങ്ങള്‍ ആവശ്യപ്പെട്ട് വിവരാവകാശ കമ്മീഷനെ സമീപിച്ചത്. രണ്ടാമത്തെ അപ്പീലിനുശേഷം അപേക്ഷകര്‍ക്ക് ആവശ്യമായ വിവരങ്ങള്‍ നല്‍കാന്‍ രാജസ്ഥാന്‍ ഇന്‍ഫര്‍മേഷന്‍ കമ്മീഷന്‍ ഗ്രാമപഞ്ചായത്തിന് നിര്‍ദേശം നല്‍കി. അപേക്ഷകര്‍ക്ക് രണ്ട് കവറുകളും കമ്മീഷന്‍ നല്‍കിയിരുന്നു.
എന്നാല്‍ ഈ കവറിനുള്ളില്‍ ഗര്‍ഭനിരോധന ഉറകള്‍ ഉണ്ടായിരുന്നു എന്നാരോപിച്ച് വീഡിയോ പ്രചരിച്ചതോടെ സംഭവം വിവാദമാകുകയായിരുന്നു. ജില്ലാ വികസന ഏജന്‍സിയായ ജില്ലാ പരിഷത്ത് സിഇഒയില്‍ നിന്നും ബ്ലോക്ക് ഡെവലപ്‌മെന്റ് ഓഫീസറില്‍ നിന്നും ഹനുമന്‍ഗഡ് ജില്ലാ കളക്ടര്‍ വസ്തുതാപരമായ റിപ്പോര്‍ട്ട് ആവശ്യപ്പെട്ടിട്ടുണ്ട്.
അതേസമയം ചനിയ ബഡി പഞ്ചായത്ത് സര്‍പഞ്ച് പുഷ്പ ബന്‍സല്‍ സംഭവം ഗൂഢാലോചനയാണെന്ന് ചൂണ്ടിക്കാട്ടി ഭരാനി പോലീസ് സ്റ്റേഷനില്‍ പരാതി നല്‍കിയി. സംഭവവുമായി ബന്ധപ്പെട്ട വിവരങ്ങള്‍ ലഭിച്ചതായി ഹനുമങ്കര്‍ സിലാ പിലാഷാദ് സി.ഇ.ഒ നവനീത് കുമാര്‍ പറഞ്ഞു. അന്വേഷണം നടക്കുന്നുണ്ടെന്നും ഗ്രാമത്തിലെ രണ്ട് ഗ്രൂപ്പുകാരുടെ പരസ്പരവിരോധമാണ് ഇതിന ് പിന്നിലെന്നും അദ്ദേഹം പറഞ്ഞു.
Post Your Comments