യുവതാരം അനീഷ് ജി. മേനോന്‍ വിവാഹിതനായി. ഐശ്വര്യ രാജനാണ് വധു. ഗുരുവായൂരില്‍ വെച്ചായിരുന്നു വിവാഹം. ബെസ്റ്റ് ആക്ടര്‍, ദൃശ്യം, വള്ളിയും തെറ്റി പുള്ളിയും തെറ്റി, കാപ്പുച്ചിനോ, ഗ്രേറ്റ് ഫാദര്‍ തുടങ്ങിയ സിനിമകളിലൂടെയാണ് ഈ യുവതാരം ശ്രദ്ധനേടിയത്.
ആസിഫ് അലിയും നിഷാനും പ്രധാന വേഷത്തിലെത്തിയ സിബി മലയില്‍ ചിത്രമായ 2010ല്‍ പുറത്തിറങ്ങിയ അപൂര്‍വ്വരാഗത്തിലൂടെയാണ് വളാഞ്ചേരി സ്വദേശിയായ അനീഷ് സിനിമയിലെത്തുന്നത്.വി.എ. ശ്രീകുമാര്‍ മേനോന്‍-മോഹന്‍ലാല്‍ കൂട്ടുകെട്ടില്‍ പുറത്തിറങ്ങിയ ഒടിയനിലും നിവിന്‍ പോളി ചിത്രമായ കായംകുളം കൊച്ചുണ്ണിയിലും പ്രധാനവേഷങ്ങളില്‍ അനീഷ് അഭിനയിച്ചിരുന്നു.
https://youtu.be/i1xWqrKzz98
ദൃശ്യം, പെരുച്ചാഴി, കെ.എല്‍ 10, ക്യൂന്‍, ഒടിയന്‍, കായംകുളം കൊച്ചുണ്ണി തുടങ്ങി നിരവധി ചിത്രങ്ങളില്‍ വേഷമിട്ടിട്ടുണ്ട്. ഒരു അഡാര്‍ ലവ്, ലൂസിഫര്‍ എന്നിവയാണ് അനീഷിന്റേതായി പുറത്തിറങ്ങാനുള്ള ചിത്രങ്ങള്‍.
Post Your Comments