Latest NewsInternational

ഇതാണ് ആ വിലക്കപ്പെട്ട ദ്വീപ്

 

ഐസ് ലാന്‍ഡിന്റെ തെക്കന്‍തീരത്ത് ഒരു ദ്വീപുണ്ട്. സര്‍ടിസി. എന്താണ് ഈ ദ്വീപിന്റെ പ്രത്യേകത എന്ന് ചോദിച്ചാല്‍ ഒരുപാടുണ്ട്. വലിയൊരു അഗ്നിപര്‍വ്വത സ്‌ഫോടനത്തിനൊടുവില്‍ ഉയര്‍ന്നു വന്നതാണ് സര്‍ടിസി. അഗ്നി പര്‍വ്വതത്തില്‍ നിന്നുള്ള ലാവയും ചാരവും കടലില്‍ അടിഞ്ഞുകൂടിയാണ് ഈ ദ്വീപുണ്ടായത്. 1963ലാണ് ഈ ദ്വീപ് കടലിന് മുകളില്‍ പ്രത്യക്ഷപ്പെട്ടു തുടങ്ങിയത്. പക്ഷെ ഈ ദ്വീപിലേക്ക് അനുവാദമില്ലാതെ ഒരാളെപ്പോലും കടത്തി വിടില്ല.

ശാസ്ത്രലോകത്തിന്റെ നോട്ടം മുഴുവന്‍ ഈ കുഞ്ഞന്‍ ദ്വീപിലേക്കായിരുന്നു. മനുഷ്യന്റെ ഇടപെടലുകളൊന്നുമില്ലാതെ പ്രകൃതി തന്നെ സൃഷ്ടിച്ച ദ്വീപെന്നതായിരുന്നു ഈ നോട്ടത്തിന് പിന്നില്‍. 1965ലാണ് ദ്വീപില്‍ ആദ്യമായി ഒരു ചെടി മുളയ്ക്കുന്നത്. 1967ല്‍ പായലുകള്‍ നിറഞ്ഞു. ദ്വീപ് രൂപപ്പെട്ട് 20 വര്‍ഷം കഴിഞ്ഞ് നടത്തിയ സര്‍വ്വേയില്‍ 20 ഇനം ചെടികളും കണ്ടെത്തി. 69 ഇനം ചെടികളാണ് 2008 ല്‍ ഈ ദ്വീപില്‍ നിന്നും കണ്ടെത്തിയത്. വര്‍ഷത്തില്‍ രണ്ടുമുതല്‍ അഞ്ചുവരെ എന്ന കണക്കില്‍ പുതിയ ചെടികള്‍ ദ്വീപില്‍ നിറയുന്നു എന്നാണ് ശാസ്ത്രലോകം പറയയുന്നത്. എന്നാല്‍ ദ്വീപിലെ അത്ഭുതങ്ങള്‍ തേടി നിരവധി ശാസ്ത്രജ്ഞര്‍ ഇവിടെ എത്താറുണ്ടെങ്കിലും വിരലിലെണ്ണാവുന്നവരെ മാത്രമാണ് ഇവിടെ താമസിപ്പിക്കാറ്.

Related Articles

Post Your Comments


Back to top button