ഹുവാന്‍ ഗ്വായിഡോയുടെ പ്രഖ്യാപനം: യൂറോപ്യന്‍ രാജ്യങ്ങളുടെ തീരുമാനത്തെ യുഎസ് സ്വാഗതം ചെയ്തു

വാ​ഷിം​ഗ്ട​ൺ: വെ​നി​സ്വേ​ല​യില്‍ ര​ണ്ടാ​ഴ്​​ച​യാ​യി തു​ട​രു​ന്ന രാ​ഷ്​​ട്രീ​യ പ്ര​തി​സ​ന്ധിയ്ക്കിടെ ഇ​ട​ക്കാ​ല പ്ര​സി​ഡ​ന്‍റാ​യി സ്വ​യം പ്ര​ഖ്യാ​പി​ച്ച ഹു​വാ​ൻ ഗ്വാ​യി​ഡോ​യെ അംഗീകരിച്ചുള്ള യൂ​റോ​പ്യ​ൻ രാ​ജ്യ​ങ്ങ​ളു​ടെ തീ​രു​മാ​ന​ത്തെ സ്വാ​ഗ​തം ചെ​യ്ത് അ​മേ​രി​ക്ക. യു​എ​സ് സ്റ്റേ​റ്റ് ഡി​പ്പാ​ർ​ട്ട്മെ​ന്‍റ് പു​റ​ത്തി​റ​ക്കി​യ പ്ര​സ്താ​വ​ന​യി​ലാ​ണ് ഇക്കര്യം വ്യക്തമാക്കിയത്.

യൂറോപ്യന്‍ രാജ്യങ്ങളായ ജ​ർ​മ​നി, ബ്രി​ട്ട​ൻ, ഫ്രാ​ൻ​സ് തു​ട​ങ്ങി​യവയാണ് ഹു​വാ​ൻ ഗ്വാ​യി​ഡോ​യെ അം​ഗീ​ക​രി​ക്കു​ന്ന​താ​യി അ​റി​യി​ച്ച​ത്. അതേസമയം ഇ​ട​ക്കാ​ല പ്ര​സി​ഡ​ന്‍റ് തെ​ര​ഞ്ഞെ​ടു​പ്പു ന​ട​ത്ത​ണ​മെ​ന്ന യൂ​റോ​പ്യ​ൻ യൂ​ണി​യ​ന്‍റെ ആ​വ​ശ്യം വെ​ന​സ്വേ​ല​ൻ പ്ര​സി​ഡ​ന്‍റ് നി​ക്കോ​ളാ​സ് മ​ഡു​റോ ത​ള്ളി​യിരുന്നു. ഇതിനു പിന്നാലെയാണ് യൂ​റോ​പ്യ​ൻ യൂ​ണി​യ​ന്‍ പുതിയ തീരുമാനം. ക​ഴി​ഞ്ഞ മാ​സം 23നാ​ണ് ഗ്വാ​യി​ഡോ വെ​ന​സ്വേ​ല​യു​ടെ പ്ര​സി​ഡ​ന്‍റാ​യി സ്വ​യം പ്ര​ഖ്യാ​പി​ച്ച​ത്. അ​മേ​രി​ക്ക​യും കാ​ന​ഡ​യും പ്ര​മു​ഖ ലാ​റ്റി​ന​മേ​രി​ക്ക​ൻ രാ​ജ്യ​ങ്ങ​ളും ഗ്വാ​യി​ഡോ​യ്ക്ക് പി​ന്തു​ണയും പ്ര​ഖ്യാ​പി​ച്ചി​രു​ന്നു.

അതേസമയം വെനസ്വേലന്‍ പ്രസിഡന്റ് നിക്കോളസ് മഡൂറോയുടെ രാജിയാവശ്യപ്പെട്ട് ആയിരങ്ങള്‍ തെരുവിലിറങ്ങി. തലസ്ഥാനമായ കാറക്കസിലും രാജ്യത്തിന്റെ മറ്റുഭാഗങ്ങളിലുമായാണ് പ്രതിഷേധ റാലി നടത്തിയത്.മഡൂറോ ഭരണകൂടത്തിന്റെ അവസാനമായെന്ന ആഹ്വാനവുമായാണ് പ്രതിപക്ഷ അനുകൂലികള്‍ റാലിക്കായ് അണിനിരന്നത്.

മഡൂറോയുടെ ഏകാധിപത്യം അവസാനിപ്പിക്കണമെന്നാണ് പ്രതിപക്ഷത്തിന്റെ ആഹ്വാനം. അതേസമയം, മഡൂറോയെ പിന്തുണച്ചും രാജ്യത്ത് റാലികള്‍ നടന്നു. ഊഗോ ചാവെസ് അധികാരത്തിലേറിയതിന്റെ 20ാം വാര്‍ഷികത്തോടനുബന്ധിച്ചായിരുന്നു റാലി..