പാക് നുഴഞ്ഞു കയറ്റക്കാരൻ ഗുജറാത്തിൽ ബിഎസ്എഫിന്റെ പിടിയിൽ

കച്ച്: പാകിസ്ഥാനിൽ നിന്നുമുള്ള നുഴഞ്ഞു കയറ്റക്കാരൻ ഗുജറാത്തിലെ റാൻ ഓഫ് കച്ചിൽ വെച്ച് അതിർത്തി രക്ഷാസേനയുടെ പിടിയിൽ. നുഴഞ്ഞു കയറാൻ ശ്രമിച്ച ഇയാളെ ജീവനോടെ തന്നെയാണ് സേന പിടികൂടിയത്. ഇയാൾക്ക് അമ്പത് വയസ്സ് പ്രായം വരുമെന്ന് സേനാവൃത്തങ്ങൾ പറഞ്ഞു. നുഴഞ്ഞു കയറ്റശ്രമത്തിനിടെ പിടിയിലായ പാകിസ്ഥാൻ പൗരൻ ചെറുത്തുനിൽപ്പൊന്നുമില്ലാതെ കീഴടങ്ങുകയായിരുന്നു. കൂടുതൽ ചോദ്യം ചെയ്യൽ നടന്നു വരുന്നതായി അതിർത്തി രക്ഷാസേനയുടെ ഉന്നതവൃത്തങ്ങൾ അറിയിച്ചു.

പിടിയിലായ വ്യക്തിയിൽ നിന്നും സംശയാസ്പദമായതൊന്നും കണ്ടെത്തിയിട്ടില്ല. ഫെബ്രുവരി 26ആം തീയതി രാവിലെ ഗുജറാത്ത് അതിർത്തി ലംഘിച്ച് പറന്ന ഒരു പാകിസ്ഥാൻ ആളില്ലാവിമാനം ഇന്ത്യൻ സേന വെടിവെച്ചിട്ടിരുന്നു. ഡെർബി മിസ്സൈൽ ഉപയോഗിച്ച് സേനയുടെ സ്പൈഡർ വ്യോമസുരക്ഷാ സംവിധാനമാണ് വിമാനം വെടിവെച്ചിട്ടത്.അതെ സമയം ജ​മ്മു കാ​ഷ്മീ​രി​ലെ നി​യ​ന്ത്ര​ണ​രേ​ഖ​യി​ല്‍ സ്ഥി​തി​ഗ​തി​ക​ള്‍ ഇ​പ്പോ​ള്‍ ശാ​ന്ത​മാ​ണെ​ന്ന് ക​ര​സേ​ന.

ജ​ന​വാ​സ​കേ​ന്ദ്ര​ങ്ങ​ളെ ഉ​ന്നം​വ​ച്ച്‌ ഷെ​ല്ലാ​ക്ര​മ​ണം ന​ട​ത്ത​രു​തെ​ന്ന് പാ​ക് സൈ​ന്യ​ത്തി​ന് ഇ​ന്ത്യ മു​ന്ന​റി​യി​പ്പ് ന​ല്‍​കി​യ ശേ​ഷ​മാ​ണ് സ്ഥി​തി ശാ​ന്ത​മാ​യ​തെ​ന്നും ക​ര​സേ​ന വൃ​ത്ത​ങ്ങ​ള്‍ അ​റി​യി​ച്ചു. ബു​ധ​നാ​ഴ്ച പു​ല​ര്‍​ച്ചെ ര​ജൗ​രി​യി​ലെ ഇ​ന്ത്യ​ന്‍ പോ​സ്റ്റു​ക​ള്‍​ക്കു​നേ​രെ ശ​ക്ത​മാ​യ ഷെ​ല്ലാ​ക്ര​മ​ണ​വും വെ​ടി​വ​യ്പു​മാ​ണ് ന​ട​ന്നി​രു​ന്ന​ത്. ഇ​തി​നു പി​ന്നാ​ലെ​യാ​ണ് ജ​ന​വാ​സ​കേ​ന്ദ്ര​ങ്ങ​ളെ ഒ​ഴി​വാ​ക്ക​ണ​മെ​ന്ന് ഇ​ന്ത്യ​ന്‍ സൈ​ന്യം പാ​ക്കി​സ്ഥാ​ന് മു​ന്ന​റി​യി​പ്പ് ന​ല്‍​കി​യ​ത്. ര​ജൗ​രി, പൂ​ഞ്ച് ജി​ല്ല​ക​ളി​ലെ സ്കൂ​ളു​ക​ള്‍​ക്ക് ഇ​ന്നും അ​വ​ധി ന​ല്‍​കി​യി​രു​ന്നു.