കോതമംഗലം: കാണാതായ ഗൃഹനാഥനെ വനത്തിനുള്ളിൽ മരിച്ച നിലയിൽ കണ്ടെത്തി .കഴിഞ്ഞ ഞായറാഴ്ച മുതൽ മുൻപ് കാണാതായ ഗൃഹനാഥനെയാണ് വനത്തിനുള്ളിൽ മരിച്ചനിലയിൽ കണ്ടെത്തിയത്. കുട്ടന്പുഴ കല്ലേലിമേട് സ്വദേശി വാരപ്പെട്ടി ഇഞ്ചൂർ ഭാഗത്ത് താമസിക്കുന്ന മുള്ളംകുഴി ജെറാൾഡ്(കുട്ടിയച്ചൻ-55) ആണ് മരിച്ചത്.
കാണാതായ കുട്ടിയച്ചന്റെ മൃതദേഹം ബ്ലാവനയ്ക്കും കല്ലേലിമേടിനും ഇടയിൽ വനത്തിലെ അയ്യപ്പൻപാറ ഭാഗത്തെ പാറ ഇടുക്കിലാണ് കണ്ടത്. രൂക്ഷഗന്ധം അനുഭവപ്പെട്ടതിനെത്തുടർന്നു അതുവഴി പോയ ആദിവാസികൾ പരിശോധിച്ചപ്പോൾ മൃതദേഹം അഴുകിയനിലയിൽ കണ്ടത്.
സംഭവമറിഞ്ഞ് കുട്ടന്പുഴ പോലീസെത്തി മേൽനടപടി സ്വീകരിച്ചു. മൃതദേഹത്തിന് അരുകിൽ വിഷക്കുപ്പി ഉണ്ടായിരുന്നു. വിഷം ഉള്ളിൽ ചെന്നുള്ള മരണമെന്നാണ് പോലീസിന്റെ പ്രാഥമിക നിഗമനം.
Post Your Comments