Latest NewsSaudi ArabiaGulf

പ്രകൃതിവാതക പര്യവേഷണത്തിന് തുടക്കം കുറിച്ച് അരാംകോ

കിഴക്കന്‍ പ്രവിശ്യയിലെ അല്‍ ഹസ്സയില്‍ പ്രകൃതി വാതക പര്യവേക്ഷണത്തിന് തുടക്കം കുറിച്ച് സൗദി ദേശീയ എണ്ണ കമ്പനിയായ സൗദി അരാംകോ. കമ്പനി സി.ഇ.ഒ അമീന്‍ നാസര്‍ ആണ് ഇക്കാര്യം അറിയിച്ചത്. ഇതിനായി പുതിയ ഗ്യാസ് പര്യവേക്ഷണ കേന്ദ്രം അല്‍ഹസയില്‍ സ്ഥാപിക്കുമെന്നും അദ്ദേഹം പറഞ്ഞു.അല്‍ ഹസ്സയില്‍ സംഘടിപ്പിച്ച ഇന്‍വെസ്റ്റ്മെന്റ് ഫോറത്തില്‍ സംസാരിക്കുകയായിരുന്നു അമീന്‍ നാസര്‍. അടുത്ത വര്‍ഷത്തോടെ അല്‍ ഹസ്സയിലെ ജഫൂറ ഗ്യാസ് പ്ലാന്റ് പ്രവര്‍ത്തനം ആരംഭിക്കുമെന്നും ഇത് വഴി മൂന്ന് ബില്യണ്‍ ക്യുബിക് ഫീറ്റ് ഗ്യാസ് ഉല്‍പ്പാദനമാണ് ലക്ഷ്യമിടുന്നതെന്നും അമീന്‍ നാസര്‍ വ്യക്തമാക്കി.

ലോക വിപണിയില്‍ ഗ്യാസ് ലഭ്യതയില്‍ നേരിടുന്ന കുറവ് പരിഹരിക്കുന്നതിനും വിപണി നിയന്ത്രണം ലക്ഷ്യമിട്ടും അരാംകോ വ്യാപാരാടിസ്ഥാനത്തില്‍ ഗ്യാസ് ഉല്‍പ്പാദനത്തിന് തുടക്കം കുറിക്കാന്‍ തീരുമാനിച്ചിരുന്നു. ദിവസങ്ങള്‍ക്ക് മുമ്പ് ചെങ്കടല്‍ തീരത്തും ഗ്യാസ് പര്യവേക്ഷണത്തിനുള്ള പുതിയ പദ്ധതി അരാംകോ പ്രഖ്യാപിച്ചിട്ടുണ്ട്.
കിഴക്കന്‍ പ്രവിശ്യ ആസ്ഥാനമായി സ്ഥാപിതമാകുന്ന പുതിയ കിംഗ് സല്‍മാന്‍ ഊര്‍ജ സിറ്റി രാജ്യത്ത് തദ്ദേശ വിദേശ നിക്ഷേപങ്ങള്‍ ആകര്‍ഷിക്കുന്നതിനും സ്വദേശികള്‍ക്ക് കൂടുതല്‍ ജോലി ലഭ്യമാക്കുന്നതിനും സഹായിക്കുമെന്നും അദ്ദേഹം വ്യക്തമാക്കി. പ്രകൃതി വാതകം കൊണ്ടും എണ്ണ ശേഖരം കൊണ്ടും ഏറെ സമ്പുഷ്ടമാണ് അല്‍ഹസ്സ. അരാംകോ ഇതിനെ കൂടുതല്‍ സമ്പുഷ്ടീകരിക്കുന്നതിനുള്ള പദ്ധതികള്‍ തയ്യാറാക്കി വരികയാണ്.

shortlink

Related Articles

Post Your Comments

Related Articles


Back to top button