KeralaLatest News

കൊടുംചൂട് ഇനിയും ഒരാഴ്ച കൂടി സഹിക്കണം  ; ഇന്ന് സൂര്യതാപമേറ്റത് 119 പേര്‍ക്ക്

തിരുവനന്തപുരം: സംസ്ഥാനത്ത് കൊടും ചൂട് അതി കഠിനമായി തുടരുകയാണ്. ഇന്ന് സൂര്യതാപമേറ്റത് 119 പേര്‍ക്കാണ്. മൂന്ന് പേര്‍ക്ക് സൂര്യാഘാതമേല്‍ക്കുകയും ചെയ്തു. ചൂട് ഇ നിയും ഒരാഴ്ച കൂടി സഹിക്കേണ്ടി വരും. കാലാവസ്ഥ നിരീക്ഷണ കേന്ദ്രത്തിന്‍റെ മുന്നറിയിപ്പുണ്ട്. ചൂട് തുടരുന്നതിനാല്‍ ജനം ജാഗ്രത തുടരണമെന്ന് ആരോഗ്യവകുപ്പ് അറിയിച്ചു.

വയനാട് ഒഴികെ ഉള്ള എല്ലാ ജില്ലകളിലും ഉയര്‍ന്ന താപനില ശരാശരിയില്‍ നിന്ന് 2 മുതല്‍ 3 ഡിഗ്രി വരെ ഉയരും. വേനല്‍ മഴയും ലഭിക്കുന്നില്ല. കടുത്ത ചൂടില്‍ കുടിവെള്ളക്ഷാമവും അതി രൂക്ഷമാണ് . തലസ്ഥാനത്തെ തീരമേഖലടയിലടക്കം മിക്ക ജില്ലകളിലും ശക്തമായ കുടിവെളള ക്ഷാമമാണ് നേരിടുന്നത്. സര്‍ക്കാര്‍ കൊടും ചൂടിനെ പ്രതിരോധിക്കുന്നതിനായി അടിയന്തിര യോഗം വിളിച്ച് ചേര്‍ക്കുകയും കുടിവെളളം തുടങ്ങിയവ ലഭ്യമാക്കുന്നതിനെക്കുറിച്ചും ചര്‍ച്ച ചെയ്തിരുന്നു.

shortlink

Related Articles

Post Your Comments

Related Articles


Back to top button