തിരുവനന്തപുരം: പ്രധാനമന്ത്രി നരേന്ദ്ര മോദിയെ രൂക്ഷമായി വിമർശിച്ച് മുഖ്യമന്ത്രി പിണറായി വിജയൻ. ഇരിക്കുന്ന സ്ഥാനത്തിന്‍റെ മഹിമ മനസിലാക്കി മോദി സംസാരിക്കണം. ശബരിമലയെക്കുറിച്ച്‌ പച്ചക്കള്ളം പ്രചരിപ്പിക്കരുത്. ശബരിമലയുടെ പേരില്‍ കേരളത്തില്‍ മുതലെടുപ്പ് നടത്താമെന്ന് കരുതേണ്ടയെന്നും അദ്ദേഹം വിമർശിച്ചു.
അയ്യപ്പന്‍റെയും ശബരിമലയുടേയും പേരുപറഞ്ഞ് അത്ഭുതങ്ങള്‍ സംഭവിപ്പിക്കാമെന്ന് മോദിയും അമിത് ഷായും ബിജെപിയും മോഹിക്കേണ്ട. കലാപഭൂമി ആക്കാനുള്ള ശ്രമം തടയാന്‍ വേണ്ടിയാണ് ശബരിമലയില്‍ അറസ്റ്റ് നടന്നത്. അക്രമം കാണിക്കാന്‍ ആര് പുറപ്പെട്ടാലും അഴിയെണ്ണേണ്ടി വരും. ശബരിമലയെ ഉന്നതമായ പദവിയിലേക്ക് ഉയര്‍ത്താനുള്ള നടപടികള്‍ തുടങ്ങിയെന്നും അതിവേഗം ഇത് പൂര്‍ത്തിയാക്കുമെന്നും മുഖ്യമന്ത്രി വ്യക്തമാക്കി.
Post Your Comments