ലക്ഷ പ്രഭുക്കളായ പാര്‍ലമെന്റ് അംഗങ്ങള്‍; എം.പിമാരുടെ വാർഷിക ശമ്പളം ഇങ്ങനെ

തിരുവനന്തപുരം : എം.പിമാരുടെ വാർഷിക ശമ്പളത്തിന്റെ കണക്കുകൾ കേട്ട് അമ്പരന്നിരിക്കുകയാണ് കേരള ജനത. എം.പിമാരുടെ അടിസ്ഥാന ശമ്പളം 1,​00,​000 അമ്പതിനായിരം ആയിരുന്ന പ്രതിമാസ ശമ്പളം ധനകാര്യ ബില്ല് വഴി പുതുക്കിയത് കഴിഞ്ഞ വര്‍ഷം ഫെബ്രുവരിയിലാണ്. പ്രതിമാസ പെന്‍ഷന്‍ 20,​000 രൂപയില്‍ നിന്ന് 25,​000 ആയും ഉയര്‍ത്തി. ശമ്പളത്തിനു പുറമേ പരിഷ്‌കരിച്ച നിരക്കനുസരിച്ച്‌ എം.പിമാര്‍ക്ക് 45,​000 രൂപ മുതല്‍ 70,​000 രൂപ വരെ മണ്ഡല അലവന്‍സും,​ സെക്രട്ടറിമാരുടെ ചെലവിനായി 60,​000 രൂപ വരെയും ലഭിക്കും.

2018 ഒക്‌ടോബറിലെ കണക്കനുസരിച്ച്‌ കഴിഞ്ഞ നാലു വര്‍ഷംകൊണ്ട് 1997 കോടി രൂപയാണ് നമ്മുടെ ലോക്‌സഭാ,​ രാജ്യസഭാ എം.പിമാര്‍ക്കായി ചെലവിട്ട ശമ്പള തുക.അതായത് നാലുവര്‍ഷം കൊണ്ട് ഓരോ ലോക്‌സഭാ എം.പിക്കും ശരാശരി 71.29 ലക്ഷം രൂപ വരുമാനമുണ്ടായി. രാജ്യസഭാ എം.പിക്കു കിട്ടിയത് 44.33 ലക്ഷം. അടുത്ത ശമ്പളപരിഷ്‌കരണം 2023ല്‍ നടക്കും.

ഇതിനൊപ്പം രാഷ്‌ട്രപതി,​ ഉപരാഷ്‌ട്രപതി,​ ഗവര്‍ണര്‍മാര്‍ എന്നിവരുടെ ശമ്ബളവും പുതുക്കി. അഞ്ചു ലക്ഷം രൂപയാണ് രാഷ്‌ട്രപതിയുടെ മാസശമ്പളം. ഉപരാഷ്‌ട്രപതിക്ക് നാല് ലക്ഷവും സംസ്ഥാന ഗവര്‍ണര്‍മാര്‍ക്ക് 3.5 ലക്ഷവും. ഒന്നരലക്ഷം,​ യഥാക്രമം 1.25 ലക്ഷം,​ 1.1 ലക്ഷം എന്നിങ്ങനെയായിരുന്നു ഇവരുടെ പഴയ ശമ്ബളം.