ഏറ്റവും അപകടകാരിയായ ബൗളറാണ് ബുംറയെന്നു ഓസ്‌ട്രേലിയൻ പേസ് ഇതിഹാസം

ലോകത്തിലെ ഏറ്റവും അപകടകാരിയായ ബൗളർ ഇന്ത്യയൂയൂടെ ജസ്പ്രീത് ബുമ്രയാണെന്നു ഓസ്‌ട്രേലിയയുടെ മുൻ പേസ് ഇതിഹാസമായ ജെഫ് തോംസൺ. നവീനമായ ബൗളിംഗ് ശൈലിക്കും വേഗതയാർന്ന പന്തുകൾക്കുമുടമയായ ബുമ്രയ്ക്ക് വിക്കറ്റ് ലഭിക്കാൻ എളുപ്പമാണെന്ന് അദ്ദേഹം പറഞ്ഞു.ബുംറയും ദക്ഷിണാഫ്രിക്കയുടെ പുതുമുഖ താരം കാഗിസോ റബാഡയുമായിരിക്കും ഈ ലോകകപ്പിലെ മികച്ച ബൗളർമാരെന്നും തോംസൺ പറഞ്ഞു.

ഏകദിനത്തില്‍ 49 മത്സരങ്ങളില്‍ നിന്ന് 85 വിക്കറ്റാണ് ബുംറ നേടിയിട്ടുള്ളത്. 27 റണ്‍സ് വഴങ്ങി അഞ്ച് വിക്കറ്റ് വീഴ്‌ത്തിയതാണ് മികച്ച പ്രകടനം. ഈ ഐപിഎല്ലില്‍ 19 വിക്കറ്റുമായി മികച്ച പ്രകടനം നടത്തിയാണ് ബുംറ ലോകകപ്പിന് എത്തുന്നത്. എഴുപതുകളിൽ മാൽക്കം മാർഷലിനൊപ്പം ലോകത്തിലെ ഏറ്റവും വേഗമേറിയ ബൗളറായിരുന്നു ബാറ്റ്‌സ്മാൻമാരുടെ പേടിസ്വപ്‌നമായ തോംസൺ.