ചന്ദ്രയാൻ രണ്ടിന്റെ വിക്ഷേപണ തീയതിയും സമയവും നിശ്ചയിച്ചു

ഡൽഹി : രണ്ടാം ചാന്ദ്രദൗത്യം ജൂലായ് 15 ന് ശ്രീഹരിക്കോട്ടയിൽ നടക്കുമെന്ന് ഐഎസ്ആർഒ ചെയർമാൻ കെ ശിവൻ വ്യക്തമാക്കി. പുലർച്ചെ 2 :51 ന് ആണ് വിക്ഷേപണ സമയം.. ചന്ദ്രയാൻ പേടകത്തിന്റെ ദൃശ്യങ്ങൾ ഐഎസ്ആർഒ ഇന്ന് പുറത്തുവിട്ടിരുന്നു. 800 കോടി ചിലവിലാണ് നിർമിച്ചത്. ചന്ദ്രയാൻ ഒന്നിന്റെ തുടർച്ചയാണ് ഇത്. ഏറ്റവും സങ്കീർണമായ പ്രക്രിയയാണ് ഇതിൽ നടക്കുന്നത്.

#Chandrayaan2 #India's ambitious #lunarmission would be launched in month from now between July 9-16. It has 3 modules Orbiter, Lander (Vikram) and Rover (Pragyan). It has13 payloads and one from #NASA. @isro 8 payloads on Orbiter, 3on lander, 2 on Rover &1passive. pic.twitter.com/mqyJ9qkbTb

— Imran Khan (@KeypadGuerilla) June 12, 2019

ലാൻഡിംഗിന് ഉപയോഗിക്കുന്ന മൊഡ്യൂളിന്‍റെ പേര് വിക്രം എന്നാണ്. വിക്രം സാരാഭായിക്ക് ആദരമർപ്പിച്ചുകൊണ്ടുള്ള പേര്. സോഫ്റ്റ് ലാൻഡിംഗ് രീതി ഇന്ത്യ ആദ്യമായി പരീക്ഷിക്കുകയാണ് ചാന്ദ്രയാൻ രണ്ടിലൂടെ. ഇറങ്ങുന്നതോ ഏറെ വെല്ലുവിളികൾ നിറഞ്ഞ ചന്ദ്രന്‍റെ ദക്ഷിണധ്രുവത്തിലും. ഇതുവരെ ഒരു ബഹിരാകാശവാഹനവും ചന്ദ്രന്‍റെ ദക്ഷിണധ്രുവത്തിൽ ഇറങ്ങിയിട്ടില്ല. കഴിഞ്ഞ തവണയെല്ലാം, ചാന്ദ്രയാൻ – ഒന്നാം ദൗത്യത്തിലടക്കം ഉപരിതലത്തിൽ ഇടിച്ചിറങ്ങുന്ന രീതിയാണ് ഐഎസ്ആർഒ അവലംബിച്ചിരുന്നത്.

First and Exclusive picture of Chandrayaan-2 the lander and orbiter at @ISRO Satellite Integration and Testing Establishment #Chandrayaan2 pic.twitter.com/DEov18nend

— DD News (@DDNewslive) June 12, 2019