ആഗ്ര: യുപിയില്‍ സഹോദരിമാരുടെ ഭര്‍ത്താക്കന്‍മാര്‍ മര്‍ദ്ദിക്കുകയും കൂട്ടബലാത്സംഗം ചെയ്യുകയും ചെയ്ത യുവതി മരിച്ചു. ഗുരുതര പരിക്കുകളോടെ ആശുപത്രിയില്‍ പ്രവേശിപ്പിച്ച ഇവര്‍ ബുധനാഴ്ചയാണ് മരിച്ചത്.
പോലീസ് റിപ്പോര്‍ട്ടുകള്‍ പ്രകാരം ജൂണ്‍ 20 നാണ് പ്രതികള്‍ പെണ്‍കുട്ടിയെ നന്ദലാല്‍പൂര്‍ ഗ്രാമത്തിലെ അവരുടെ വീട്ടിലേക്ക് കൂട്ടിക്കൊണ്ടുപോയത്. തുടര്‍ന്ന് മര്‍ദ്ദിക്കുകയും കൂട്ടബലാത്സംഗത്തിനിരയാക്കുകയും ചെയ്തു. പെണ്‍കുട്ടിയുടെ നിലവിളി കേട്ട കുട്ടികള്‍ ഇക്കാര്യം ഗ്രാമീണരെ അറിയിക്കുകയായിരുന്നു. സംഭവസ്ഥലത്തെത്തിയ നാട്ടുകാര്‍ പ്രതികളിലൊരാളെ പിടികൂടി പൊലീസിലേല്‍പ്പിച്ചു. കൂട്ടുപ്രതി രക്ഷപ്പെട്ടെങ്കിലും പിന്നീട് ഇയാളെ പൊലീസ ്അറസ്റ്റ് ചെയ്തു.
ഇരയുടെ സഹോദരിമാരെയാണ് പ്രതികള്‍ വിവാഹം കഴിച്ചിരിക്കുന്നത്. ഭാര്യമാരുമായുള്ള തര്‍ക്കത്തിനൊടുവില്‍ അവരെ ഒരു പാഠം പഠിപ്പിക്കാനാണ് അനുജത്തിയെ മര്‍ദ്ദിക്കുകയും ബലാത്സംഗം ചെയ്യുകയും ചെയ്തതെനന്നാണ് ഇവര്‍ പൊലീസിന് നല്‍കിയിരിക്കുന്ന മൊഴി.
Post Your Comments