ന്യൂഡല്‍ഹി: ഇന്‍സ്റ്റാഗ്രാമിലെ ഗുരുത സുരക്ഷാ വീഴ്ച കണ്ടെത്തിയ യുവാവിന് വന്‍ തുകയുടെ സമ്മാനം. തമിഴ്‌നാട് സ്വദേശിയായ ലക്ഷ്മണ്‍ മുത്തയ്യയാണ് ഈ സുരക്ഷാ പിഴവ് അധികൃതരുടെ ശ്രദ്ധയില്‍പ്പെടുത്തിയത്. 20 ലക്ഷം രൂപയുടെ സമ്മാനമാണ് ലക്ഷ്മണിന് ലഭിച്ചത്. വ്യക്തികളുടെ അനുവാദമില്ലാതെ പാസ്‌വേഡ് ഹാക്ക് ചെയ്യുന്നതിലൂടെ ഇന്‍സ്റ്റാഗ്രാം അക്കൗണ്ടുകളില്‍ നിന്ന് വിവരങ്ങള്‍ ചോര്‍ത്താനുള്ള സാധ്യതയാണ് ഇതിലൂടെ പരിഹരിക്കപ്പെട്ടത്.
പാസ് വേഡ് റീസെറ്റ് ചെയ്യുമ്പോള്‍ ആവശ്യപ്പെടുന്ന റിക്കവറി കോഡ് ഉപയോഗിച്ച് അക്കൗണ്ട് ഹാക്ക് ചെയ്യാനുള്ള സാധ്യതയാണ് ഇതോടെ ഇല്ലാതായി. സുരക്ഷാ വീഴ്ച ശ്രദ്ധയില്‍പ്പെട്ട ലക്ഷ്മണ്‍ അത് ഫേസ്ബുക്കിന്റെ സുരക്ഷാ സംഘത്തെ അറിയിക്കുകയായിരുന്നു. ഫേസ്ബുക്ക് ബഗ് ബൗണ്ടി പ്രോഗ്രാമിന്റെ ഭാഗമായി ഇതിന് മുമ്പും ഇത്തരം സുരക്ഷാപ്രശ്നങ്ങളും സാങ്കേതിക തകരാറും മുത്തയ്യ ഫേസ്ബുക്കിനെ അറിയിച്ചിട്ടുണ്ട്.ഇന്‍സ്റ്റാഗ്രാമിലെ തകരാര്‍ കണ്ടെത്തിയതിന് 30,000 യുഎസ് ഡോളര്‍ അതായത് 20,64,645 രൂപയാണ് ലക്ഷ്മണ്‍ മുത്തയ്യക്ക്
ഇന്‍സ്റ്റാഗ്രാം അധികൃതര്‍ പ്രതിഫലമായി നല്‍കിയത്.
ഉപയോക്താക്കളുടെ അറിവോടെയല്ലാതെ പാസ്‌വേഡ് റീസെറ്റ് സന്ദേശമോ അക്കൗണ്ട് റിക്കവറി കോഡോ എസ്എംഎസ് സന്ദേശമായി ലഭിക്കുകയാണെങ്കില്‍ അതിന് പിന്നില്‍ ഹാക്കര്‍മാരാണ് എന്ന് ഇന്‍സ്റ്റാഗ്രാം ഉപയോക്താക്കള്‍ മനസ്സിലാക്കണം. ഇത്തരം സന്ദര്‍ഭങ്ങളില്‍ ഈ വിവരം ഉടന്‍ തന്നെ ഇന്‍സ്റ്റാഗ്രാമിനെ അറിയിക്കേണ്ടതാണ്. പരിഹാരമാര്‍ഗങ്ങള്‍ ഇന്‍സ്റ്റാഗ്രാം നിര്‍ദ്ദേശിക്കും.
Post Your Comments