തിരുവനന്തപുരം : കനത്ത മഴയെത്തുടർന്ന് സംസ്ഥാനത്ത് പലയിടത്തും കടൽക്ഷോഭം രൂക്ഷമാകുകയാണ്. ഈ സാഹചര്യത്തില്‍ ശംഖുമുഖം ബീച്ചില്‍ സന്ദര്‍ശകര്‍ വിലക്ക് ഏര്‍പ്പെടുത്തി. ജൂലൈ 20 മുതല്‍ ഏഴ് ദിവസത്തേക്കാണ് സന്ദര്‍ശകര്‍ക്ക് ജില്ലാ ഭരണകൂടം വിലക്ക് ഏര്‍പ്പെടുത്തിയിരിക്കുന്നത്. ശംഖുമുഖത്ത് ശക്തമായ കടലാക്രമണത്തെ തുടര്‍ന്ന് വലിയതോതില്‍ തീരശോഷണം സംഭവിച്ചിട്ടുണ്ട്.
ബീച്ചിലേക്കു പ്രവേശിക്കുന്ന ഭാഗങ്ങളിലെ അപകടാവസ്ഥയിലുള്ളതും ഭാഗീകമായി തകര്‍ന്നിട്ടുള്ളതുമായ കല്‍കെട്ടുകളുടെ ഭാഗങ്ങളില്‍ പ്രത്യേകം സുരക്ഷാ വേലി നിര്‍മിച്ച്‌ സുരക്ഷ ഉറപ്പാക്കാന്‍ ജില്ലാ കളക്ടര്‍ കെ ഗോപാലകൃഷ്ണന്‍ ജില്ലാ ടൂറിസം പ്രമോഷന്‍ കൗണ്‍സിലിന് നിര്‍ദേശം നല്‍കി. സുരക്ഷാ സംവിധാനങ്ങള്‍ ഉറപ്പാക്കാന്‍ പോലീസിനു നിര്‍ദേശം നല്‍കിയിട്ടുണ്ട്. ഏര്‍പ്പെടുത്തിയ നിയന്ത്രണത്തോട് പൊതുജനങ്ങള്‍ സഹകരിക്കണമെന്ന് കളക്ടര്‍ അറിയിച്ചു.
Post Your Comments