വാഴ്സ: ആളുകൾ സാഹസികമായി ചെയ്യുന്ന കാര്യങ്ങളൊക്ക എപ്പോഴും സോഷ്യൽ മീഡിയയിൽ വൈറലാകാറുണ്ട്. എന്നാൽ സോഷ്യൽ മീഡിയയിൽ അടുത്തിടെ വന്ന ബഞ്ചീ റോപ്പില്‍ നിന്ന് ബന്ധം വേര്‍പ്പെട്ട് താഴേക്ക് പതിക്കുന്ന സാഹസികന്റെ അപകടകരമായ വീഡിയോ കണ്ട് ഞെട്ടൽ മാറാതെയിരിക്കുകയാണ് പലരും.
പോളണ്ടിലാണ് സംഭവം. ഒരു കരച്ചിലോടെ താഴേക്ക് പതിച്ച സാഹസികന് ജീവന്‍ തിരിച്ചുകിട്ടിയെന്നതാണ് മറ്റൊരു അത്ഭുതം. ഇയാളുടെ ശരീരത്തില്‍ ബാഹ്യമായി മുറിവുകളൊന്നും ഇല്ലെങ്കിലും ആന്തരികമായി മുറിവേറ്റിട്ടുണ്ട്. ചില ആന്തരികാവയവങ്ങള്‍ക്ക് സാരമായി തകരാറുപറ്റി. നട്ടെല്ലിന് ക്ഷതമേറ്റെങ്കിലും സുഷ്മനയെ ബാധിച്ചിട്ടില്ല.330 അടി ഉയരത്തില്‍ നിന്നാണ് 39 കാരനായ ഇയാള്‍ താഴേക്ക് പതിച്ചത്. ഇയാളുടെ കൂടുതല്‍ വിവരങ്ങള്‍ പുറത്തുവിട്ടിട്ടില്ല.
ബഞ്ചീ ക്ലബ് ആണ് ബഞ്ചീ ജംപ് സംഘടിപ്പിച്ചത്. ഇയാള്‍ കഴിഞ്ഞ ദിവസം ആശുപത്രി വിട്ടുവെന്നും സ്വന്തമായി നടന്നാണ് പുറത്തിറങ്ങിയതെന്നും സംഘടന ഒരു ഫേസ്ബുക്ക് പോസ്റ്റില്‍ പറഞ്ഞു.
Post Your Comments