ജയ്പുര്‍: പണം നല്‍കുന്നവര്‍ക്കു മാത്രമേ ബിഎസ്പി മത്സരിക്കാന്‍ ടിക്കറ്റ് നല്‍കു എന്ന വെളിപ്പെടുത്തലുമായി ബിഎസ്പി എംഎല്‍എ. രാജസ്ഥാന്‍ നിയമസഭയില്‍ പാനല്‍ ചര്‍ച്ചയ്ക്കിടെയായിരുന്നു രണ്‍വീര്‍ സിംഗ് ഗുഡയുടെ പരാമര്‍ശം.രാജസ്ഥാന്‍ നിയമസഭയില്‍ ബിഎസ്പിക്ക് ആറ് അംഗങ്ങളാണുള്ളത്. ഗുഡയ്ക്കെതിരേ ബിഎസ്പി നേതൃത്വം ശക്തമായ നടപടി സ്വീകരിച്ചേക്കും. അങ്ങനെ വന്നാല്‍ അദ്ദേഹം കോണ്‍ഗ്രസില്‍ ചേരുമെന്നാണു സൂചന.
‘ഞങ്ങളുടെ പാര്‍ട്ടിയില്‍ പണം നല്‍കിയാല്‍ ടിക്കറ്റ് കിട്ടും. ആരു കൂടുതല്‍ പണം നല്‍കുന്നുവോ അവര്‍ക്കു ടിക്കറ്റ് ലഭിക്കും. മൂന്നാമതൊരാള്‍ കൂടുതല്‍ പണം നല്‍കാന്‍ തയാറായാല്‍ ടിക്കറ്റ് അയാള്‍ക്കും നല്‍കും’- ബിഎസ്പി അധ്യക്ഷ മായാവതിയെ ലക്ഷ്യമിട്ട് ഗുഡ പറഞ്ഞത് ഇങ്ങനെയായിരുന്നു.ബിഎസ്പിയുടെ കൂടി പിന്തുണയിലാണ് രാജസ്ഥാനില്‍ കോണ്‍ഗ്രസ് സര്‍ക്കാര്‍ രൂപീകരിച്ചത്. 12 സ്വതന്ത്ര എംഎല്‍എമാരുടെ പിന്തുണയും കോണ്‍ഗ്രസ് സര്‍ക്കാരിനുണ്ട്.
Post Your Comments