ചെങ്ങന്നൂർ: ദുരന്തമുഖങ്ങളില്‍ മതപ്രചരണത്തിന് സംഘത്തെ വിന്യസിച്ച് മതപരിവര്‍ത്തന മാഫിയ. ചെങ്ങന്നൂര്‍ വെണ്‍മണി ആലംതുരുത്ത് കോളനിയിലാണ് സംഭവം. മുപ്പതോളം കാറുകളിലായി എണ്‍പതോളം വരുന്ന സംഘങ്ങളാണ് ഇവിടങ്ങളില്‍ എത്തിയതെന്നാണ് നാട്ടുകാർ വ്യക്തമാക്കുന്നത്. ക്രൈസ്തവ മതവുമായി ബന്ധമുള്ള മതപരിവര്‍ത്തന പ്രചാരണ സംഘങ്ങളാണ് ആളുകളുടെ നിസഹായാവസ്ഥ മുതലെടുക്കാൻ എത്തിയതെന്നാണ് ആരോപണം.
കോളനിയ്ക്ക് സമീപം പ്രസംഗവും, ലഘുലേഖ വിതരണവും നടത്തിയ പാസ്റ്റര്‍മാരെ ചിലര്‍ ചോദ്യം ചെയ്തു.ഈ സമയത്താണോ ഇത്തരം പ്രചരണമെന്നും പോയി രക്ഷാ പ്രവര്‍ത്തനം നടത്താനും നാട്ടുകാരിൽ ചിലർ ഇവരോട് ആവശ്യപ്പെട്ടു. ഇതിനിടെ സംഘത്തിന്റെ ദൃശ്യങ്ങള്‍ ചിലര്‍ മൊബൈലില്‍ പകര്‍ത്തി. രംഗം വഷളാകുമെന്ന് മനസിലായതോടെ ഇവര്‍ കാറില്‍ കയറി സ്ഥലം വിടുകയായിരുന്നു.
Post Your Comments