മഴമൂലം റെയില്‍വേ സ്റ്റേഷനില്‍ കുടുങ്ങിക്കിടന്ന ഗര്‍ഭിണിയെ ആശുപത്രിയിലെത്തിച്ച ഓട്ടോ ഡ്രൈവറാണ് സോഷ്യല്‍മീഡിയയിലെ താരം. പ്രസവവേദനയില്‍ പുളയുന്ന യുവതിയെ അതിസാഹസികമായാണ് 34 കാരനായ മഹാരാഷ്ട്ര ദൊങ്ഗാര്‍പട സ്വദേശി സാഗര്‍ കാംലകാര്‍ ഗാവഡ് എന്ന ഓട്ടോ ഡ്രൈവര്‍ ആശുപത്രിയിലെത്തിച്ചത്.
കനത്തമഴമൂലം കഴിഞ്ഞ ദിവസം വിരാര്‍ റെയില്‍വേ സ്റ്റേഷനില്‍ ട്രെയിന്‍ ഗതാഗതം തടസ്സപ്പെട്ടു. ഏഴ് മാസം ഗര്‍ഭിണിയായ യുവതിക്ക് പെട്ടന്ന് പ്രസവവേദന അനുഭവപ്പെട്ടു. ഭര്‍ത്താവ് സഹായത്തിനായി പ്ലാറ്റ്ഫോമിലേക്ക് ഇറങ്ങി. അപ്പോഴാണ് പശ്ചിമ റെയില്‍വേ അനുവദിച്ച സ്ഥലത്ത് പാര്‍ക്ക് ചെയ്ത നിലയില്‍ സാഗറിന്റെ ഓട്ടോ യുവാവ് കാണുന്നത്.
സഹായമഭ്യര്‍ത്ഥിച്ച ഉടന്‍ തന്നെ മറ്റൊന്നും ആലോചിക്കാതെ ഓട്ടോറിക്ഷയുമായി യുവതിയുടെ അടുത്തെത്തി ഇയാള്‍. നിമിഷനേരങ്ങള്‍ കൊണ്ട് യുവതിയെ സഞ്ജീവനി ആശുപത്രിയിലെത്തിച്ചു ഇയാള്‍. പ്ലാറ്റ്ഫോമിലൂടെ സാഗര്‍ ഓട്ടോ ഓടിക്കുന്നതിന്റെ ദൃശ്യങ്ങള്‍ വൈറലായി. പ്ലാറ്റ്ഫോമില്‍ ഓട്ടോറിക്ഷ ഓടിച്ചതിന്റെ പേരില്‍ സാഗറിനെ പൊലീസ് അറസ്റ്റ് ചെയ്ത് വിട്ടയച്ചു.
#WATCH Mumbai:Auto-rickshaw driver took rickshaw on platform at Virar Railway Station on Aug4 to pick a pregnant woman to take her to the hospital.RPF didn't arrest him immediately as the "lady was in extreme labour pain,but he was later arrested&released with a warning by court" pic.twitter.com/eckppwGtr2
— ANI (@ANI) August 6, 2019
Post Your Comments