ലോകത്തിലെ ഏറ്റവും വിലയുള്ള കാറിന് ശേഷം ലോകത്തെ ഞെട്ടിക്കാൻ ഈ ആഡംബര കാർ വീണ്ടും വരുന്നു

ഏകദേശം 65 കോടി വില വരുന്ന സൂപ്പർ ഹൈപ്പർ കാർ പ്രദർശിപ്പിച്ചിരിക്കുകയാണ് ബുഗാട്ടി. ലോകത്തിൽ വെറും 10 എണ്ണം മാത്രം നിർമിക്കുന്ന ഈ കാറും പുറത്തിറക്കുന്നതിന് മുൻപ് തന്നെ വിറ്റുപോയി എന്നാണ് ബുഗാട്ടി പറയുന്നത്. ബുഗാട്ടിയുടെ ഏക്കാലത്തേയും പ്രശസ്ത കാറായ ഇബി110 ന്റെ സ്മരണാർത്ഥമാണ് ചെന്റോഡിയേച്ചിയെ പുറത്തിറക്കിയിരിക്കുന്നത്.

ALSO READ: നിർമ്മാണപ്പിഴവ്; മാരുതി സുസുക്കിയുടെ പ്രമുഖ മോഡലുകൾ തിരിച്ചുവിളിക്കുന്നു

ബുഗാട്ടി സ്ഥാപകനായ എറ്റോര്‍ ബുഗാട്ടിയുടെ നൂറ്റിപ്പത്താം പിറന്നാളിനാണ് വാഹനം പുറത്തിറക്കിയത്. ഷിറോണിനെ അടിസ്ഥാനപ്പെടുത്തി ചെന്റോഡിയേചി എന്ന പേരിൽ പുറത്തിറങ്ങുന്ന വാഹനം വിലയിൽ മാത്രമല്ല കരുത്തിലും ആരേയും തോൽപ്പിക്കും. 1600 എച്ച്പിയാണ് ഈ സൂപ്പർതാരത്തിന്റെ കരുത്ത്. 1991ൽ പുറത്തിങ്ങിയ ഇബി 110 ന്റെ നിരവധി ഘടകങ്ങൾ പുതിയ സൂപ്പർകാറിൽ ഉപയോഗിച്ചിട്ടുണ്ട്. അക്കാലത്ത് വിൽപന വിജയം നേടാതിരുന്ന കാറിന്റെ വെറും 118 യൂണിറ്റുകൾ മാത്രമേ നിർമിച്ചിട്ടുള്ളു.

1995 ൽ ബുഗാട്ടി കമ്പനി പാപ്പരായതിനെതുടർന്ന് നിർമാണം അവസാനിപ്പിക്കുകയായിരുന്നു. ഇബി 110 എന്ന പേരു തന്നെ എറ്റോർ ബുഗാട്ടി 110 ന്റെ ചുറുക്കിയെഴുത്താണ്. ബുഗാട്ടി കമ്പനിയുടെ നീണ്ട ചരിത്രത്തിന്റെ സ്മരണയുണര്‍ത്തുകയാണ് ഇബി 110 എന്ന പുതിയ കാറിലൂടെ എന്നാണ് ബുഗാട്ടി പറയുന്നത്.