KeralaLatest NewsNews

തിരുവോണ ദിവസം കോഴിക്കോട് വ്യത്യസ്ത അപകടങ്ങളില്‍ 15 കാരനേയും യുവാവിനേയും കാണാതായി

കോഴിക്കോട്: തിരുവോണ ദിവസം കോഴിക്കോട് വ്യത്യസ്ത അപകടങ്ങളില്‍ 15 കാരനേയും യുവാവിനേയും കാണാതായി. തിരുവോണദിവസം ജില്ലയിലെ രണ്ടിടത്തായി രണ്ടുപേരെ ഒഴുക്കില്‍പ്പെട്ട് കാണാതായി. കോഴിക്കോട് കടപ്പുറത്ത് കുളിക്കാനിറങ്ങിയ വിദ്യാര്‍ഥിയെയും പതങ്കയം വെള്ളച്ചാട്ടത്തില്‍ കുളിക്കാനിറങ്ങിയ യുവാവിനെയുമാണ് കാണാതായത്.

Read Also : അതിർത്തിയിൽ നിന്നും പ്രായപൂർത്തിയാകാത്ത ആൺകുട്ടിയെ ബിഎസ്എഫ് കണ്ടെത്തി : പാക്കിസ്ഥാൻ സ്വദേശിയെന്ന് സംശയം

കൊടുവള്ളി സ്വദേശിയായ ആദില്‍ അര്‍ഷാദാണ് കോഴിക്കോട് കടപ്പുറത്ത് ഒഴുക്കില്‍പ്പെട്ടത്. കൊടുവളളിയില്‍നിന്ന് സൈക്കിളുകളില്‍ കോഴിക്കോട് കടപ്പുറത്ത് എത്തിയ സംഘം ലയണ്‍സ്പാര്‍ക്കിന് സമീപം കടലില്‍ കുളിക്കാനിറങ്ങുകയായിരുന്നു. ഇതിനിടെ ആദില്‍ ശക്തമായ തിരയില്‍പ്പെടുകയായിരുന്നു. ആദിലിനെ കണ്ടെത്താന്‍ മത്സ്യത്തൊഴിലാളികളും അഗ്‌നിരക്ഷാസേനയും നാട്ടുകാരും തിരച്ചില്‍ നടത്തുകയാണ്.

ആനക്കാംപൊയില്‍ പതങ്കയം വെള്ളച്ചാട്ടത്തില്‍ കുളിക്കാനിറങ്ങിയ ആഷിക്ക് എന്ന യുവാവിനെയും ഒഴുക്കില്‍പ്പെട്ട് കാണാതായി. ആഷിക്കിനെ കണ്ടെത്താന്‍ നാട്ടുകാരും അഗ്‌നിരക്ഷാസേനയും തിരച്ചില്‍ തുടരുകയാണ്. ഇതിനിടെ മലവെള്ളപ്പാച്ചിലുണ്ടായത് തിരച്ചിലിനെ പ്രതികൂലമായി ബാധിച്ചു.

shortlink

Related Articles

Post Your Comments

Related Articles


Back to top button