Latest NewsIndiaNews

ഉറ്റ സുഹൃത്തിനെ യുവാവ് കൊലപ്പെടുത്തിയതിനു പിന്നില്‍ നിസാര കാരണം

ബറേലി: ഉറ്റ സുഹൃത്തിനെ യുവാവ് കൊലപ്പെടുത്തിയതിനു പിന്നില്‍ നിസാര കാരണം. കടം വാങ്ങിയ 120 രൂപ തിരികെ ചോദിച്ചതിനെ ചൊല്ലിയുണ്ടായ തര്‍ക്കത്തെ തുടര്‍ന്നാണ് ഉറ്റസൃഹൃത്തിനെ യുവാവ് കൊലപ്പെടുത്തിയത്. ലക്ഷ്മിപൂര്‍ സ്വദേശി രാമുവാണ് ദാരുണമായി കൊല്ലപ്പെട്ടത്. സംഭവത്തില്‍ രാമുവിന്റെ സുഹൃത്തും അയല്‍ക്കാരനുമായ ബിര്‍ജു കുമാറിനെ പൊലീസ് അറസ്റ്റ് ചെയ്തു. ഉത്തര്‍പ്രദേശിലെ ഖേരി ജില്ലയില്‍ ശനിയാഴ്ചയാണ് സംഭവം.

Read Also :  സൗദിയിൽ ഉംറ തീർഥാടകർ സഞ്ചരിച്ച ബസ് അപകടത്തിൽപ്പെട്ടു : ഒരു മരണം, നിരവധി മലയാളികൾക്ക് പരിക്കേറ്റു

ആക്രമണത്തില്‍ തലയ്ക്ക് സാരമായി പരിക്കേറ്റ രാമുവിനെ ആശുപത്രിയില്‍ പ്രവേശിപ്പിച്ചെങ്കിലും ചികിത്സയ്ക്കിടെ മരിക്കുകയായിരുന്നു. സംഭവത്തില്‍ രാമുവിന്റെ മകന്‍ ദിലീപിന്റെ പരാതിയിലാണ് പൊലീസ് കേസെടുത്തത്. രാമുവിന്റെ കയ്യില്‍ നിന്നാണ് ബിര്‍ജു പണം കടം വാങ്ങിയത്. എന്നാല്‍, പണം തിരികെ ചോദിക്കുമ്പോഴെക്കെ ബിര്‍ജു, രാമുവിനെ അസഭ്യം വിളിക്കുക പതിവായിരുന്നു. പതിവുപോലെ പണം തിരികെ ചോദിക്കാനെത്തിയതിനെ തുടര്‍ന്ന് ചീത്ത വിളിക്കാനൊരുങ്ങിയ ബിര്‍ജുവിനെ രാമു തടഞ്ഞു. ഇതേത്തുടര്‍ന്ന് ഇരുവരും തമ്മില്‍ വാക്കേറ്റമുണ്ടാകുകയും ബിര്‍ജു വടിയെടുത്ത് രാമുവിനെ മര്‍ദ്ദിക്കുകയുമായിരുന്നു.

Tags

Related Articles

Post Your Comments


Back to top button
Close
Close