ബിഎസ്‌എന്‍എല്‍ പ്രീപെയ്ഡ് വരിക്കാർക്കായി പുതിയ പ്ലാൻ അവതരിപ്പിച്ചു

ബിഎസ്‌എന്‍എല്‍ പ്രീപെയ്ഡ് വരിക്കാർക്ക് സന്തോഷിക്കാം, പുതിയ പ്ലാൻ അവതരിപ്പിച്ചു. 180 ദിവസത്തെ വാലിഡിറ്റിയുള്ള 698 രൂപയുടെ പ്ലാനാണ് പുറത്തിറക്കിയത്. 200 ജിബി ഡാറ്റ വാഗ്ദാനം ചെയ്യുന്നതല്ലാതെ എസ്എംഎസോ വോയ്‌സ് കോളിംഗ് ആനുകൂല്യങ്ങളോ ഈ ഓഫാറിൽ നൽകുന്നില്ല. കൂടുതൽ ഡാറ്റ ഉപയോഗമുള്ളവരെ ലക്ഷ്യമിട്ടാണ് ഈ ഓഫർ പുറത്തിറക്കിയത്. പരിമിത കാലത്തേക്കുള്ള ഈ ഓഫർ തിരഞ്ഞെടുത്ത സർക്കിളുകളിൽ‌ മാത്രമേ ലഭ്യമാകൂ. നവംബർ പകുതി മുതൽ ഈ പ്ലാൻ ലഭ്യമാകില്ലെന്നും റിപ്പോർട്ടുകളുണ്ട്. കോളുകളും എസ്എംഎസും ലഭ്യമല്ലാത്തതിനാൽ ഈ പ്ലാൻ ഉപയോക്താക്കൾ സ്വീകരിക്കുമോ എന്ന് സംശയിക്കേണ്ടിയിരിക്കുന്നു.

അതേസമയം 429 രൂപ, 485 രൂപ, 666 രൂപ പ്രീപെയ്ഡ് പ്ലാനുകളിലും മാറ്റം വരുത്തിയിട്ടുണ്ട്. അൺലിമറ്റഡ് വോയിസ് കോളുകൾ എന്ന ഓഫർ ആണ് ഈ പ്ലാനുകളിൽ ലഭ്യമാക്കിയത്. ലാൻഡ്‌ലൈൻ, ബ്രോഡ്‌ബാൻഡ് ഉപയോക്താക്കൾക്കായി ദീപാവലി ഓഫറും അവതരിപ്പിച്ചിരുന്നു. ഒക്ടോബർ 27 നും ഒക്ടോബർ 28 നും ഇടയിലുള്ള കാലയളവിൽ 24 മണിക്കൂറും പരിധിയില്ലാത്ത വോയ്‌സ് കോളിംഗ് സൗകര്യമാണ് ലഭ്യമാക്കിയിരുന്നത്.

Also read : ബിഎസ്എന്‍എന്‍എലും എംടിഎന്‍എലും തമ്മിലുള്ള ലയനം : കേന്ദ്രസര്‍ക്കാറിന്റെ സുപ്രധാന തീരുമാനം ഇങ്ങനെ