Latest NewsNewsBusiness

പാന്‍ കാര്‍ഡ് അപേക്ഷ പൂരിപ്പിയ്ക്കും മുമ്പ് തീര്‍ച്ചയായും അറിഞ്ഞിരിയ്‌ക്കേണ്ട കാര്യങ്ങള്‍

ആദായനികുതി റിട്ടേണ്‍ സമര്‍പ്പിക്കുന്നതിനും 50,000 രൂപയില്‍ കൂടുതല്‍ പണം കൈമാറ്റം ചെയ്യുന്നതിനും പിന്‍വലിക്കുന്നതിനും നിക്ഷേപിക്കുന്നതിനും ആദായനികുതി വകുപ്പ് നല്‍കുന്ന അടിസ്ഥാന രേഖയായ പാന്‍ കാര്‍ഡ് ഉപയോഗിക്കേണ്ടതാണ്. പാന്‍ കാര്‍ഡിനുള്ള അപേക്ഷ ആദായനികുതി വകുപ്പിന്റെ ഓണ്‍ലൈന്‍ പോര്‍ട്ടല്‍ വഴി സമര്‍പ്പിക്കാം. എന്നാല്‍ അപേക്ഷ ഫോം പൂരിപ്പിക്കുന്നതിന് മുമ്പ് ഐ-ടി വകുപ്പ് നല്‍കിയിരിക്കുന്ന ഈ മാര്‍ഗ്ഗനിര്‍ദ്ദേശങ്ങള്‍ തീര്‍ച്ചയായും അറിഞ്ഞിരിക്കണം.

ആര്‍ക്കൊക്കെ അപേക്ഷിക്കാം ഇന്ത്യന്‍ പൗരന്മാര്‍ക്കും ഇന്ത്യക്ക് പുറത്ത് താമസിക്കുന്ന ഇന്ത്യക്കാര്‍ക്കും പാന്‍ കാര്‍ഡിനായി ഓണ്‍ലൈന്‍ അപേക്ഷ സമര്‍പ്പിക്കാവുന്നതാണ്. ആദായനികുതി വകുപ്പിന്റെ ടാക്‌സ് ഇന്‍ഫര്‍മേഷന്‍ നെറ്റ്വര്‍ക്ക് അനുസരിച്ച്, അപേക്ഷകര്‍ കാറ്റഗറി, ടൈറ്റില്‍ എന്നിവയോടൊപ്പം ഫോം 49 എ തിരഞ്ഞെടുത്ത് സ്വയം രജിസ്റ്റര്‍ ചെയ്യുകയും ആവശ്യമായ വിശദാംശങ്ങള്‍ നല്‍കി സമര്‍പ്പിക്കുകയും ചെയ്യണം.

ടോക്കണ്‍ നമ്പര്‍ രജിസ്‌ട്രേഷന്‍ നടപടികള്‍ പൂര്‍ത്തിയായാല്‍ ഫോം പൂരിപ്പിക്കുന്നതിന് മുമ്പ് ഒരു ടോക്കണ്‍ നമ്പര്‍ ജനറേറ്റുചെയ്ത് അപേക്ഷകന് പ്രദര്‍ശിപ്പിക്കും. അന്തിമ സമര്‍പ്പണത്തിന് മുമ്പായി അപേക്ഷകന് പാന്‍ കാര്‍ഡ് ആപ്ലിക്കേഷന്‍ ഡാറ്റ കാണാനും എഡിറ്റുചെയ്യാനും കഴിയുന്ന റഫറന്‍സ് ആവശ്യത്തിനായി അപേക്ഷാ ഫോമില്‍ നല്‍കിയിട്ടുള്ള ഇമെയില്‍ ഐഡിയില്‍ ടോക്കണ്‍ നമ്പര്‍ അയയ്ക്കും. പാന്‍ കാര്‍ഡിലെ തെറ്റ് തിരുത്തേണ്ടത് എങ്ങനെ? ചെയ്യേണ്ടത് ഇത്രമാത്രം തെറ്റ് തിരുത്തി വീണ്ടും സമര്‍പ്പിക്കാം സമര്‍പ്പിച്ച ഡാറ്റ ഏതെങ്കിലും ഫോര്‍മാറ്റ് ലെവല്‍ മൂല്യനിര്‍ണ്ണയത്തില്‍ പരാജയപ്പെടുകയാണെങ്കില്‍, പിശകുകള്‍ സൂചിപ്പിക്കുന്ന പ്രതികരണം സ്‌ക്രീനില്‍ ദൃശ്യമാകും. അതിനുശേഷം അപേക്ഷകര്‍ക്ക് പിശക് തിരുത്തി ഫോം വീണ്ടും സമര്‍പ്പിക്കാം. ഫോര്‍മാറ്റ് ലെവല്‍ പിശകുകള്‍ ഇല്ലെങ്കില്‍, അപേക്ഷകന്‍ പൂരിപ്പിച്ച ഡാറ്റയുള്ള ഒരു സ്ഥിരീകരണ സ്‌ക്രീന്‍ ദൃശ്യമാകും. ഇത് അപേക്ഷകന് എഡിറ്റു ചെയ്യുകയോ സ്ഥിരീകരിക്കുകയോ ചെയ്യാം.

shortlink

Related Articles

Post Your Comments

Related Articles


Back to top button